अर्थतन्त्र

साेमबार १५ अर्बकाे काराेबार, नेप्से समान्य अंकले घट्दा कसले कमाए-कसले गुमाए ?

• गाउँ सहर संवाददाता
• २४ जेठ सोमबार, २०७८ | १५:४०:०० मा प्रकाशित

काठमाडौं । नेपाल स्टक एक्सचेञ्ज (नेप्से)मा आज सोमबार सामान्य अंकको गिरावट आएको छ । कारोबार शुरु भएदेखि नै तिव्र उत्तारचढाब आएको बजारमा सामान्य अंकले घटेर बन्द भएको हो । 

यसदिन परिसूचक ०.२१ अंकले घटेर २९०६.७० अंकमा बन्द भएको छ ।

यो दिन ३ करोड ५४ लाख ७४ हजार ४१४ कित्ता सेयर १५ अर्ब ८१ करोड ८६ लाख ५९ हजार ६५ रुपैयाँ ५ पैसामा कारोबार भएको छ । 

फाइनान्स कम्पनीको शेयरमूल्यमा उच्च बृद्धि भएको छ । पोखरा फाइनान्स, सेन्ट्रल फाइनान्स, आइसीएफसी फाइनान्सको सेयर मूल्यमा १० प्रतिशतको सर्किट लागेको छ ।

त्यसैगरी धेरै गुमाउने कम्पनीमा लक्ष्मी बैंक, नारायणी डेभलपमेन्ट बैंक, सनराइज बैंक, कुमारी बैंक, सिभिल बैंक, सिटिजन्स बैंक, साल्ट ट्रेडिङ कर्पोरेशन, नेपाल बंगलादेश बैंक लगायतका छन् ।

आज ११३ कम्पनीको सेयर मूल्य बढ्दा ९९ वटा कम्पनीको सेयर मूल्य घटेको छ । साथै ९ वटा कम्पनीको सेयर मूल्य स्थिर छ । उपसमूहतर्फ फाइनान्स ९.२७ प्रतिशत, विकास बैंक ६.२७ प्रतिशत र हाइड्रोपावरतर्फ ३.२३ प्रतिशतको वृद्धि देखिएको छ ।