गाउँ सहर

प्रतिनिधिसभा विघटनविरूद्ध परेको रिटको अर्काे सुनुवाइ आइतबार

• गाउँ सहर संवाददाता
• १४ जेठ शुक्रबार, २०७८ | १४:४२:०० मा प्रकाशित

काठमाडाैं । प्रतिनिधिसभा विघटनविरूद्ध परेको रिटको सुनुवाइ आइतबारलाई सरेको छ । सर्वोच्च अदालतको संवैधानिक इजलासले आइतबारका लागि 'हेर्दाहेर्दै'मा राखेको हाे ।

आज सुरु भएको सुनुवाइपछि कुनै आदेश नदिई 'हेर्दाहेर्दै'मा राखेको हो। प्रधानन्यायाधीश चोलेन्द्र शमशेर जबराको नेतृत्वको संवैधानिक इजलासमा सुनुवाइ आजबाट सुरू भएको हो ।

प्रधानन्यायाधीश जबराले आफ्नो नेतृत्वमा न्यायाधीशहरु दीपक कार्की, आनन्दमोहन भट्टराई, तेजबहादुर केसी र बमकुमार श्रेष्ठ सदस्य रहेको इजलास गठन गरेका थिए ।

विघटनविरूद्ध परेका रिटउपरको सुनुवाइ संवैधानिक इजलासमा लगिएको थियो ।

विभिन्न पाँच राजनीतिक दलको तर्फबाट प्रधानमन्त्रीमा शेरबहादुर देउवालाई नियुक्त गर्नुपर्ने, प्रतिनिधिसभा पुनर्स्थापना गर्नुपर्ने लगायत माग राखेर निवेदन दिइएको थियो ।