राजनीति

नेता गगनले भने - भिरबाट खस्नेलाई राम राम

काठमाडाैँ । नेपाली कांग्रेसका नेता गगनकुमार थापाले राष्ट्रपति विद्यादेवी भण्डारीलाई लक्षित गर्दै अन्तिम पटक सुध्रने माैका दिएकाे बताएका छन् ।

सामाजिक संजालमार्फत् उनले भनेका छन्ः- १५३ जनाको समर्थन भएको भए सरकारले ७६(३) को विश्वासको मत लिने वैधानिक बाटो किन छोडेको ? प्रमले नै'म विश्वासको मत लिन सक्दिन र पहिलाभन्दा तात्त्विक फरक छैन भनेर ७६ (५) को सरकार गठनको ढोका खोल्ने, राष्ट्रपतिले 'विश्वासको मत प्राप्त गर्ने आधार नदेखिएको' भन्दै आव्हान गर्ने । अब फेरी जालझेल !

यो प्रस्ट हुँदाहुँदै आज प्रमले बहुमतको समर्थन छ भन्दै दाबी गर्नु असङ्गत मात्र होइन अवैधानिक र अनैतिक छ । राष्ट्रपतिज्यू, तपाईंमा ओलीको जालझेल र अपराधमा साथ दिँदा लागेको दागै दाग छ, उनले भनेका छन् ।

"महामहिमलाई परिस्थितिले अन्तिम पटक सुध्रिने मौका दिएको छ !! नभए भिरबाट खस्नेलाई राम राम" उनले भनेका छन् ।

गाउँ सहर संवाददाता