स्वास्थ्य

काेराेनाबाट पछिल्लाे २४ घण्टामा १७ जनाकाे मृत्यु, ३० हजार २०९ सक्रिय संक्रमित

काठमाडौँ । पछिल्लो २४ घण्टा १७ जना कोरोना संक्रमितको मृत्यु भएको छ । यो सहित कुल मृतकको संख्या ३ हजार २११ पुगेको छ । 

पछिल्लो २४ घण्टाको कोरोना मिटरले कोरोना संक्रमितमध्ये ३१७ जनाको आइसियूमा र ९७ जनाको भेन्टिलेटरमा उपचार भइरहेको जनाएकाे छ ।

स्वास्थ्य तथा जनसंख्या मन्त्रालयका अनुसार देशभरका अस्पतालहरुमा १ हजार २०२ आइसियू र ४८७ भेन्टिलेटर चालू अवस्थामा छन् ।

अस्पतालमा गम्भीर विरामीको संख्या बढ्दै जाँदा बेड पाउन मुस्किल हुँदै गएको छ । पछिल्लो २४ घण्टामा १३ हजार ८७९ को पिसिआर र ९५५ को एन्टिजेन चेक हुँदा पिसिआरबाट ४ हजार ७७४ र एन्टिजेन विधिबाट १२३ कोरोना संक्रमित देखिएका छन् । दुबै विधि गरेर पछिल्लो २४ घण्टामा मात्र ४ हजार ८९७ जना नयाँ संक्रमित थपिएका छन् ।

भक्तपुरमा २३२, ललितपुरमा ३५१ र काठमाडौँमा १ हजार ४६४ गरी उपत्यकामा मात्र २ हजार ४७ संक्रमित थपिएका छन् । 

थपिएका संक्रमितसहित कुल संक्रमितको संख्या ३ लाख १२ हजार ६९९ पुगेको छ भने निको हुनेको कुल संख्या २ लाख ७९ हजार २७९ छ ।

मन्त्रालयका अनुसार निको हुनेको संख्या ७७३ छ । आजसम्म २४ लाख ४५ हजार ९६८ जनाको पिसिआर टेस्ट भएको छ । देशभरका क्वारेन्टाइनमा रहनेको संख्या ५४ र आइसोलेशनमा रहेको संख्या ३० हजार २०९ छ ।

देशभर अहिले ३० हजार २०९ सक्रिय संक्रमित रहेको मन्त्रालयले जनाएको छ ।

विभिन्न स्थानीय तहले निषेधाज्ञा जारी गरेसंगै कोरोनाको चेन ब्रेक हुने आशा गरिएको छ ।

गाउँ सहर संवाददाता

तपाईँको मत