स्वास्थ्य

पछिल्लो २४ घण्टामा २० देखि ३९ वर्ष उमेर समूहका १२३८ जना युवामा काेराेना संक्रमिण पुष्टि

• गाउँ सहर संवाददाता
• १० बैशाख शुक्रबार, २०७८ | १७:२७:०० मा प्रकाशित

काठमाडौं । पछिल्लो २४ घण्टामा थप २५५९ जनामा कोरोना भाइरस (कोभिड-१९)को संक्रमण पुष्टि भएको छ । ८७९८ पीसीआर परीक्षणबाट २४४९ र ८६६ एन्टिजेन परीक्षणबाट ११० जना गरी जम्‍मा २५५९ जनामा कोरोना संक्रमण पुष्टि भएको हो ।

 

जसमध्ये ० देखि ९ वर्ष उमेर समूहका ५४  र १० देखि १९ वर्ष उमेर समूहका भने १९९ जना बालबालिका कोरोना संक्रमित भएका छन् ।

स्वास्थ्य मन्त्रालयका अनुसार सबैभन्दा धेरै २० देखि ३९ वर्ष उमेर समूहका १२३८ जना युवा संक्रमित भएका छन् । जसमा २० देखि २९ वर्ष उमेर समूहका ६४५ र ३० देखि ३९ वर्ष उमेर समूहका ५९३ जना युवा संक्रमित भएका हुन् । 

 

९० देखि १०० वर्ष उमेर समूहमा ४ जना संक्रमित भएकाे मन्त्रालयले जनाएकाे छ ।  

हाल देशभर कोरोना भाइरसका १४ हजार सात सय २४ सक्रिय संक्रमित रहेका छन् । योसँगै कोरोना संक्रमणबाट डिस्चार्ज हुनेको संख्या २ लाख ७६ ७सय ५५ पुगेको छ ।

काठमाडौं उपत्यकामा ९४० जना

पछिल्लो २४ घण्टामा काठमाडौं उपत्यकामा थप ९४० जनामा कोरोना संक्रमण पुष्टि भएको छ । काठमाडौंमा ७६० जना, भक्तपुरमा ७४ जना र ललितपुरमा १०६ जना कोरोना संक्रमित भेटिएका छन् ।

यस्तै बाँकेमा ३५४ , रुपन्देहीमा २२१, सुर्खेतमा ९१, दाङमा ७९, मोरङमा ७४, कैलालीमा ७२, कास्कीमा ६७, पर्सामा ६२, बर्दियामा ३९, पाल्पामा ३२, धनुषामा ३१ र मकवानपुरमा ३० जना संक्रमित भेटिएका छन् ।

चितवनमा २७, काभ्रेपलाञ्चोक र कञ्चनपुरमा २२/२२, बारामा २१, नवलपरासी पश्चिममा १७, कपिलवस्तुमा १५, महोत्तरी र गुल्मीमा १४/१४, रौतहट र अर्घाखाँचीमा १३/१३ जना, नुवाकोटमा १२, सुनसरी र वाग्लुङमा ११/११ जनामा पनि कोरोना संक्रमण पुष्टि भएको मन्त्रालयले जनाएको छ ।