स्वास्थ्य

बच्चामा काेराेना संक्रमण बढ्याे, नयाँ थपिए २ हजार ३५१ संक्रमित, १० जनाकाे मृत्यु

• गाउँ सहर संवाददाता
• ८ बैशाख बुधबार, २०७८ | १७:३९:०० मा प्रकाशित

काठमाडाैँ । नेपालमा पछिल्लाे समय चाैबल काेराेना संक्रमण थपिएकाे स्वास्थ्य तथा जनसंख्या मन्त्रालयका प्रवक्ता डा. जागेश्वर गाैतमले बताएका छन् ।

नियमित पत्रकार सम्मेलनमार्फत उनले साे कुरा बताएका हुन् । उनले संक्रमितमध्ये बालबालिकाकाे संख्या बढ्दै गएकाे समेत बताए ।

पछिल्लाे २४ घण्टामा काेराेनाका कारण थप १० जनाकाे ज्यान गएकाे छ । याेसहित कुल मृतककाे संख्या ३ हजार ११२ पुगेकाे छ ।

मन्त्रालयका अनुसार पछिल्लाे २४ घण्टामा २ हजार ३५१ संक्रमित (पिसिआर २ हजार २२० र एन्टिजेन १३१) थपिएका छन् । याेसहित कुल संक्रमितकाे संख्या २ लाख ८९ हजार ७८७ पुगेकाे छ । 

नेपालमा कोरोना संक्रमित गम्भीर विरामीको संख्या ह्वात्तै बढेको छ । स्वास्थ्य तथा जनसंख्या मन्त्रालयका अनुसार अहिले १८० जनाको आइसियूमा, ४७ जनाको भेन्टिलेटरमा उपचार भइरहेको छ । 

देशमा १ हजार १८५ आइसियू र ५१२ भेन्टिलेटर मात्र छन् । देशमा अहिले कुल सक्रिय संक्रमितको संख्या १० हजार ५८२ रहेको छ ।

पछिल्लो २४ घण्टामा ८ हजार ८४४ पिसिआर विधिबाट र ८०३ को एन्टिजेन विधिबाट कोरोना टेस्ट भएको छ । जसमा दुबै गरेर २ हजार ३५१ संक्रमण पुष्टि भएको छ ।

नयाँ संक्रमितमध्ये काठमाडाैँमा ७८६, ललितपुरमा १८१ र भक्तपुरमा ८४ छन् ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा स्वास्थ्य लाभ गर्नेको संख्या २८७ छ । याेसहित कुल स्वास्थ्य लाभ गर्नेकाे संख्या २ लाख ७६ हजार ९३ पुगेकाे छ । 

मन्त्रालयका अनुसार अहिले देशभरका संस्थागत आइसोलेशनमा ९ हजार ७४६ र हाेम आइसोलेशनमा रहने संक्रमितकाे संख्या ८३६ छ ।