गाउँ सहर

काेराेना न्यूनीकरणका लागि सरकारको ३० बुँदे आदेश (सूचीसहित)

काठमाडाैं । सरकारले कोभिड १९ संक्रमणकोे अत्यधिक जोखिम भएका स्थानका शैक्षिक संस्थाहरुको भौतिक पठनपाठन वैशाख मसान्तसम्म बन्द गर्ने निर्णय गरेको छ ।

सोमबार बसेको मन्त्रिपरिषद् बैठकबाट निर्णय भएबमोजिम प्रधानमन्त्री तथा मन्त्रिपरिषद्को कार्यालयले साँझ यो आदेश जारी गरेको हो । 

सरकारले कोरोना भाइरस संक्रमणको दोस्रो लहर तीव्र बनेपछि यसको रोकथाम र नियन्त्रणका लागि ३० बुँदे आदेश जारी गरेको छ । 

३० बुँदे आदेशमा वैशाख महिनाभर देशभरका प्रमुख शहरमा विद्यालय बन्द गर्ने, भीडभाड हुने सबै गतिविधिमा रोक लगाउने उल्लेख छ। त्यसैगरी, सार्वजनिक यातायातमा क्षमताभन्दा बढी यात्रु राख्न नपाउने निर्णय गरेको छ ।

त्यसैगरी गाडीलाई नियमित सेनिटाइज गर्नुपर्ने, मास्क नलगाएकालाई गाडीमा छिर्न नदिने, चालक र सहचालकले पनि अनिवार्य मास्क लगाउनुपर्ने, हवाई यातायातको हकमा पर्याप्त स्वास्थ्य मापदण्ड अपनाउनुपर्ने निर्णय गरिएकाे छ।

यसैगरी, बिहान ८ देखि राति ८ बजेसम्म मात्रै रेस्टुरेन्ट खोल्न दिने निर्णय गरिएकाे छ। ८ बजेपछि होम डेलिभरी भने गर्न पाइनेछ । राजमार्गका होटलमा स्वास्थ्यको मापदण्ड पालना गर्नुपर्नेछ ।

गाउँ सहर संवाददाता