अर्थतन्त्र

सुन तोलामा १ हजार रुपैयाँले बढ्याे

काठमाडाैं । बिहीबार नेपाली बजारमा सुनको मूल्य उच्च वृद्धि भएको छ । बिहीबार सुन तोलामा १ हजार रुपैयाँले बढेको हो ।

आज कायम भएको सुनको मूल्य चैत्र महिनाकै महङ्गो हो । महासंघका अनुसार चैत्र महिनामा सुन तोलको न्यूनतम ८५ हजार ६०० रुपैयाँसम्म झरेको थियो । पछिल्लो पटक फागुन १३ गते प्रतितोला ८९ हजार ३०० रुपैयाँमा कारोबार भएकोमा त्यसपछि सोभन्दा कम मूल्यमा कारोबार हुँदै आएको थियो ।  बैशाख सुरु भएसँगै विवाहको सिजन लाग्ने भएकाले पनि सुनको भाउमा वृद्धि भएको हो ।

मंगलबार देखि निरन्तर उकालो लागेको सुनको मूल्य बुधबारको तुलनामा बिहीबार प्रतितोला १ हजार रुपैयाँले बढेर ८९ हजार रुपैयाँ पुगेको छ ।

यसैगरी बिहीबार तेजावी ८८ हजार ५५० रुपैयाँ र चाँदीको मूल्य तोलाको १ हजार २६० रुपैयाँ तोकिएको छ । चाँदी भाउमा पनि बुधबारको तुलनामा प्रतितोला १५ रुपैयाँले वृद्धि भएको हो ।

गाउँ सहर संवाददाता

तपाईँको मत