राजनीति

राप्रपा पाँचथर जिल्ला समितिका अध्यक्ष पदमा राजकुमार जोशी सर्वसम्मत

• गाउँ सहर संवाददाता
• ३० असोज शुक्रबार, २०७७ | २१:१३:०० मा प्रकाशित

पाँचथर । राष्ट्रिय प्रजातन्त्र पार्टी (राप्रपा) पाँचथर जिल्ला समितिका अध्यक्ष पदमा राजकुमार जोशी सर्वसम्मत रूपमा चयन भएका छन् ।

फिदिममा सम्पन्न राप्रपा समायोजना भेलाले राप्रपा केन्द्रीय सचिवालयको निर्देशन बमोजिम जोशीको पक्षमा सर्वसम्मत निर्णय गरेको हो । पाँचथर जिल्ला भेलाले गरेको निर्णय, असोज २९ गतेसम्म जिल्ला समिति समायोजन सम्पन्न गर्नु भन्ने केन्द्रीय निर्णय अनुकूल छ ।

भेलामा वक्ताहरूले राष्ट्रवादी शक्ति एकजुट भएकोमा खुशी व्यक्त गर्दै दिगो पार्टी एकताको पक्षमा मत जाहेर गरेका थिए । देशमा वैकल्पिक राष्ट्रवादी प्रजातान्त्रिक शक्तिको आवश्यकता रहेको भन्ने धारणा व्यक्त गर्दै एकढिक्का राप्रपाले यो राष्ट्रिय आवश्यकता पूरा गर्ने विचार प्रकट गरेका थिए ।

पाँचथरकै सन्दर्भमा पार्टी एकता खलल पार्ने गलत मनसाय देखिएकोमा पार्टी समायोजना भेलाले नकारात्मक दुष्कर्म दूर गर्ने विश्वास जिल्ला कार्यकर्ताहरूले व्यक्त गरेका थिए ।