अर्थतन्त्र

प्रदेश १ काे काेराेना काेषमा गोर्खाज फाईनान्सकाे दुई लाख सहयाेग

• गाउँ सहर संवाददाता
• २२ बैशाख सोमबार, २०७७ | २१:३०:०० मा प्रकाशित

काठमाडाैं । गोर्खाज फाईनान्स लिमिटेडले प्रदेश १ सरकारलाई  दुई लाख रुपैया सहयोग गरेको छ ।

फाईनान्सले संस्थागत सामाजिक उत्तरदायित्व अन्तर्गत कोरोना भाईरस महामारी रोकथाम तथा उपचारका लागि प्रदेश सरकारले खडा गरेको राहत कोषमा उक्त रकम सहयोग गरेको हो ।

प्रदेश १ का मुख्यमन्त्री शेरधन राईलाई फाईनान्सका संचालक डेकिन्द्र राई तथा गोर्खा समुहका अध्यक्ष पुरन्जन राई गोर्खा समुह सदस्य यादप राई, खोटाङ्ग जिल्ला संघिय सांसद विशाल भट्टराईको उपस्थितिमा फाईनान्सका प्रमुख कार्यकारी अधिकृत लालबहादुर थिङ्गले उक्त रकम बराबरकाे चेक हस्तान्तरण गरे ।

मुख्यमन्त्री शेरधनराईले कोरोना महामारीको विषम् परिस्थितीमा फाईनान्सले प्रदेश १ सरकारलाई सहयोग गरेकोमा धन्यवाद व्यक्त गरे ।

फाईनान्सका संचालक डेकिन्द्र राईले यस्तो संकटमा प्रदेशले सञ्चालन गरिरहेको अभियानलाई वित्तिय संस्थाले सक्ने सहयोग गर्ने बताए ।