राजनीति

कास्की काँग्रेसको प्रवक्तामा सिग्देल

• २३ फाल्गुण शुक्रबार, २०७६ | २०:४२:०० मा प्रकाशित

पोखरा,  । नेपाली काँग्रेस कास्कीको प्रवक्तामा नवीन सिग्देल मनोनित भएका छन् । कास्की काँग्रेसको शुक्रबार बसेको बैठकले जिल्ला सदस्य सिग्देललाई प्रवक्तामा मनोनयन गरेको हो ।

उनी २ दशक अघिदेखि निरन्तर रुपमा राजनीतिमा सक्रिय सिग्देल नेवि संघको राजनीतिमा रहदा उनी पृथ्वीनारायण क्याम्पसमा नेपाल विद्यार्थी संघकोतर्फबाट स्वतन्त्र  विद्यार्थी युनियनको निर्वाचनमा २ पटकसम्म उम्मेद्वार बनेका थिए ।

 उनले निर्वाचनका क्रममा सार्वजनिक मुद्वा समेत खेपेका थिए । त्यस्तै लोकतान्त्रिक आन्दोलनका क्रममा पक्राउ परेका थिए । उनी नेपाल विद्यार्थी संघ कास्कीको सभापति, नेपाली काँग्रेस क्षेत्र नं २ को क्षेत्रीय सदस्य हुँदै काँग्रेसको १३ औं महाधिवेशनमा तत्कालिन कास्की क्षेत्र नं २ बाट  जिल्ला सदस्यमा निर्वाचित बनेका थिए ।

प्रवक्ता मनोनित भएसँगै उनले पार्टीलाई मजबुत र सशक्त बनाउनु आफ्नो कर्तव्य भएको बताए । उनी हाल नेपाल प्रेस युनियन कास्कीका अध्यक्ष समेत हुन् । २ दशकसम्म पत्रकारिता समेत क्रियाशील सिग्देल पत्रकारिता र राजनीति दुबै क्षेत्रलाई सन्तुलित बनाउन सफल छन् ।