अर्थतन्त्र

शेयरबजारमा नेप्से र काराेबार रकम दुवै वृद्धि

• गाउँ सहर संवाददाता
• ११ कार्तिक मंगलबार, २०८२ | १५:४१:०० मा प्रकाशित

 काठमाडौं । मंगलबार सेयर बजार ६२.२९ अंक बढेको छ । वृद्धिपछि नेप्से परिसूचक २५७१ अंकमा कायम भएको छ ।

यसदिन कारोबार रकममा पनि उच्च वृद्धि भएको छ । आज ४ अर्ब ५७ करोडको भयो । २३६ कम्पनीको मूल्य बढ्दा १२ को घट्यो भने २ को स्थिर रह्यो ।

तीन कम्पनीको मूल्य १० प्रतिशत बढ्यो । १० प्रतिशत बढ्नेमा न्यादी हाइड्रोपावर, बुटवल पावर र एक्सल डेभलपमेन्ट बैंक छन् । राधि विद्युतका् ९.६०, लुम्बिनी विकास बैंकको ९.३५, सिंगटी हाइड्रो इनर्जीको ८.२१, फस्र्ट माइक्रोफाइनान्सको ८.१२ प्रतिशत मूल्य बढ्यो ।

हिमालयन पावर पार्टनरको मूल्य सबैभन्दा धेरै ६.३६ प्रतिशत घट्यो । युनिलिभरको ३.८८, बोटलर्स नेपाल बालाजुको ३.७७ प्रतिशत घट्यो ।

आज धेरै कारोबार भएका कम्पनीमा हिमालयन पावर पार्टनर, युनियन हाइड्रोपावर, राधि विद्युत, बुटवल पावर र एनआरएन इन्फ्रास्ट्रक्चर छन् ।