गाउँ सहर

ग्लोबल आईएमई समुन्नत योजना–२ को सार्वजनिक निष्काशन र बिक्री खुल्ला

• गाउँ सहर संवाददाता
• २२ असार आइतबार, २०८२ | १४:३६:०० मा प्रकाशित

काठमाडाैं । ग्लोबल आईएमई समुन्नत योजना–२ म्युचुअल फन्ड आज २०८२ असार २२ गते आइतबारबाट संघ/संस्था तथा सर्वसाधारणको लागि सार्वजनीक निष्काशन तथा बिक्री खुल्ला भएको छ।

उक्त म्युचुयल फन्डको प्रति इकाइ अंकित मूल्य रु.१० दरको बाह्र करोड इकाइमध्ये न्यूनतम बिक्री हुनुपर्ने छ करोड वा कुल बिक्री भएको इकाइ संख्याको न्यूनतम १५ प्रतिशत इकाइमध्ये योजना व्यवस्थापक कम्पनी ग्लोबल आईएमई क्यापिटल लिमिटेडलाई १.५ प्रतिशत वा अठार लाख इकाइ तथा कोष प्रवर्द्धक कम्पनी ग्लोबल आईएमई बैक लिमिटेडको लागि १३.५० प्रतिशत वा एक करोड ६२ लाख इकाई बीज पुँजीको रुपमा रहनेछ।

बाँकी न्यूनतम १० करोड २० लाख इकाइको लागि विभिन्न संघ संस्था/सर्वसाधारणहरुको लागि सार्वजनिक निष्काशन तथा बिक्री खुल्ला भएको छ। यस योजनामा संघ/संस्था तथा सर्वसाधारणहरुले न्यूनतम एक सय इकाइ र अधिकतम एक करोड २० लाख इकाइको आवेदन दिनसक्नेछन्। 

यस्ता छन् मुख्य विशेषता
–    योजना प्रकार बन्दमुखी योजना
–    फन्डको नाम ग्लोबल आइएमई म्युचुयल फन्ड
–    कोषको आकार प्रारम्भिक रु १.२० अर्ब (अत्याधिक माग भएमा रु. १.५० अर्बसम्म)–    प्रति इकाई मूल्य रु १० 
–    सर्वसाधारण निष्काशन गरिने इकाई १२ करोड इकाईहरु 
–    न्यूनतम लगानी १०० इकाई 
–    अधिकतम लगानी योजनाको १० प्रतिशत अर्थात १.२० करोड इकाई
–    योजनाको अवधि इकाई बाँडफाँड मिति देखी १० वर्ष 
–    लाभांश नीति प्राप्त मुनाफाबाट वितरण, बाँकी रकम पून लगानी 
–    सूचीकरण नेपाल स्कट एक्सचेन्ज (नेप्से)मा सुचीबद्ध
–    प्रारम्भिक लगानी १५ प्रतिशत (फन्ड प्रायोजक र व्यवस्थापक 
–    व्यवस्थापन शुल्क नेट सम्पत्ति मूल्यको १.५० प्रतिशत 
–    डिपोजिटरी शुल्क नेट सम्पत्ति मूल्यको ०.२० प्रतिशत

लगानी मिश्रण
–    इक्विटीरइक्विटी सम्बन्धी साधनहरूः ७०–९० प्रतिशत (उच्च जोखिम)
–    ऋणपत्रः निश्चित आम्दानी साधनहरूः ०–१० प्रतिशत (मध्यम जोखिम)
–    फिक्स डिपोजिटः ०–१० प्रतिशत (न्यून जोखिम)
–    नगद/आईपीओ/अन्य म्युचुअल फन्डः ०–१० प्रतिशत (न्यून जोखिम)

लगानी गर्नुपर्ने कारणहरू
–    व्यवसायिक व्यवस्थापन
–    विविधीकरण
–    सहजता र पहुँच
–    सस्तो लगानी
–    पारदर्शिता
–    कर छुट
–    लगानीकर्ता संरक्षण

प्रक्षेपणअनुसार लगानी प्रतिफल (१० वर्ष)
क्यापिटलले यस योजनाको वार्षिक  औसत प्रतिशत २२.४९ प्रतिशत रहने प्रक्षेपण गरेको छ। यस अनुसार यस योजनाका इकाईधनीहरुले १० वर्षमा कुल २२४.९६ प्रतिशत प्रतिफल प्राप्त गर्नेछन। यस योजनाको अनुमानित आन्तरिक प्रतिफल दर १६.८८ प्रतिशत रहने प्रक्षेपण गरिएको छ। क्यापिटलले यस योजनाका इकाईधनीहरुलाई पहिलो ९ वर्षसम्म ८ प्रतिशत देखि २० प्रतिशतसम्म लाभांश वितरण गर्ने सक्ने प्रक्षेपण गरिएको छ।

ग्लोबल आइएमई म्युचुअल फन्ड अन्तर्गत हालसम्म २ योजनाहरु सञ्चालन भइसकेका छन। जसमध्ये समुन्नत योजना १ ले ७ वर्षमा १०४ प्रतिशत लाभांश वितरण गरेको छ भने १०.१६ प्रतिशत फन्ड पुर्नखरीद प्रतिफल दिएको छ। त्यस्तै, १० वर्ष अवधिको ग्लोबल आईएमई ब्यालेन्स्ड फन्ड १ को १.०२५ अर्ब कोष आकार रहेको छ। 

यस योजनाको योजना व्यवस्थापक ग्लोबल आइएमई क्यापिटल लिमिटेड रहेको छ। यो क्यापिटल नेपालकै पहिलो विशुद्ध मर्चेन्ट बैंकर हो जुन सन २००८ मा स्थापना भएको थियो। यो क्यापिटल नेपाल धितोपत्र बोर्डबाट मर्चेन्ट बैंकरको लाइसेन्स प्राप्त मर्चेन्ट बैंक रहेको छ जसमा ग्लोबल आइएमई बैंकको ८१.५० प्रतिशत स्वामित्व रहेको छ। 

यस योजनाको इकाईमा लगानीकर्ताले धितोपत्र बोर्डबाट स्वीकृति प्राप्त गरेका सम्पूर्ण आस्बा सदस्य बैंक तथा वित्तीय संस्था र तिनका तोकिएका शाखा कार्यालयबाट आवेदन दिन सक्नेछन्। यसका साथै सिडिएस एण्ड क्लियरिङ्ग लिमिटेडबाट निर्माण गरिएको सफ्टवेयर “मेरो शेयर” अनलाइन प्रयोग गरी सि–आस्बा प्रणाली मार्फत पनि आवेदन दिन सक्नेछन्। 

यस योजनाको निष्काशनका लागि गराएको रेटिङ्गमा क्रेडिट रेटिङ्ग संस्था इक्रा नेपालले कोष प्रबर्धकलाई इक्रा एनपी इस्यूअर रेटिङ्ग ए माइनस प्रदान गरेको छ भने योजना व्यवस्थापकलाई इन्फोमेरिक्स क्रेडिट रेटिङ्गले आईआरएन एएमसी क्वालिटि ३ (३) रेटिङ्ग प्रदान गरेको छ।