विश्व
ट्रम्पसँगको भेटघाटबाट रन्थनिएका जेलेन्स्कीले बेलायतबाट पाए न्यानाे स्वागतसँगै २.८ अर्ब अमेरिकी डलर
- १८ फाल्गुण आइतबार, २०८१ | ०९:३५:०० मा प्रकाशित
एजेन्सी । अमेरिकी राष्ट्रपति डोनाल्ड ट्रम्पसँगको वार्तामा तनाव भएको २४ घण्टा नबित्दै युक्रेनी राष्ट्रपति भोलोदोमिर जेलेन्स्कीले बेलायती प्रधानमन्त्री केइर स्टेइमरसँगको भेटलाई अर्थपूर्ण बनाएका छन्।
स्टेइमर र जेलेन्स्कीबीच डाउनिङ स्ट्रिटमा भएको भेटमा बेलायतले युक्रेनलाई २.८ अर्ब अमेरिकी डलर ऋण प्रदान गर्ने विषयमा हस्ताक्षर भएको हो।
जेलेन्स्कीले यसमा कृतज्ञता व्यक्त गर्दै यो रकम हतियार खरिदमा खर्च गर्ने बताए। जेलेन्सकीले बेलायतमा नै राजा र्चाल्ससँग पनि भेट गर्ने कार्यक्रम बनाएका छन्।
शुक्रबार वाशिङ्टनमा भएको घटनापछि स्टेइमरले युक्रेनको स्वतन्त्रता जोगाउँदै शान्ति स्थापना गर्ने प्रयासमा आफू प्रतिबद्ध रहेको बताएका थिए।
भिडियो लिङ्क मार्फत सो बैठकमा आफ्नो उपस्थिति जनाएकी युक्रेनकी अर्थमन्त्री मारिया मार्चेन्कोले पनि आभार व्यक्त गरेकी छिन्।
प्राप्त प्रतिक्रिया
तपाईँको मत
प्रतिकृया दिनुहोस