वातावरण

बिहीबार एक-दुई स्थान बाहेक माैसम सामान्यतया सफा

• ६ मङ्सिर बिहीबार, २०८१ | ०५:००:०० मा प्रकाशित

काठमाडाैँ । २०८१ मंसिर ०६ गते (बिहीबार) आज जल तथा माैसम विभाग माैसम पूर्वानुमान महाशाखाका अनुसार दिउँसो देशको पहाडी भू-भागमा आंशिक बदली रही बाँकी भू-भागमा मौसम मुख्यतया सफा रहने छ ।

कोशी प्रदेश, बागमती प्रदेश र गण्डकी प्रदेशका पहाडी भू-भागका एक-दुई स्थानमा हल्का वर्षा तथा उच्च पहाडी तथा हिमाली भू-भागका एक-दुई स्थानमा हल्का हिमपातको सम्भावना रहेको छ ।

यसरी नै राति देशका पहाडी भू-भागमा आंशिक बदली रही बाँकी भू-भागमा मौसम मुख्यतया सफा रहने महाशाखाकाे पूर्वानुमान छ ।