भागबण्डा मिलाउन वाग्मती प्रदेशमा मन्त्रालय फुटाएर १४ पुर्याइयो
- गाउँ सहर संवाददाता
- २७ कार्तिक मंगलबार, २०८१ | १४:५९:०० मा प्रकाशित
काठमाडाैं । वाग्मती प्रदेश सरकारले मन्त्रालय फुटाएको छ । बिनाविभागीय मन्त्री रहेका मधु श्रेष्ठलाई जिम्मेवारी तोक्नका लागि बहादुरसिंह लामा नेतृत्वको सरकारले मन्त्रालय विभाजन गरेको हो ।
मंगलबार बसेको मन्त्रिपरिषद्को बैठकले संस्कृति, पर्यटन तथा सहकारी मन्त्रालयबाट सहकारीलाई अलग गरी नयाँ मन्त्रालय खडा गरेको हो । अब सहकारी तथा गरिबी नियन्त्रण मन्त्रालय वाग्मती प्रदेशमा नयाँ बनेको छ । यस मन्त्रालयको जिम्मेवारी श्रेष्ठलाई प्रदान गरिने बुझिएको छ । वाग्मतीमा मन्त्रालयको संख्या १४ पुगेको छ ।
सरकारका प्रवक्ता एवम् आन्तरिक मामिला तथा कानुनमन्त्री सुरजचन्द्र लामिछानेका अनुसार मन्त्रिपरिषद्को बैठकले उनलाई जिम्मेवारी प्रदान नगरेको छिट्टै जिम्मेवारी तोकिने बताए । सरकारको नेतृत्व लिएको १११ दिन नाघिसक्दा समेत मुख्यमन्त्री लामाले मन्त्रीलाई बेरोजगार नै राखेको भन्दै सर्वत्र आलोचना भएपछि सरकार मन्त्रालय विभाजन गर्न बाध्य भएको थियो । श्रेष्ठले मुख्यमन्त्री लामासँगै साउन ९ गते शपथ ग्रहण गरेका थिए । उनी हालसम्म बिनाविभागीय मन्त्रीका रूपमा रहेका छन् । श्रेष्ठ नेपाली कांग्रेसका सांसद हुन् ।
मन्त्रालय विभाजनको विषयमा सत्तारुढ सहयात्री दल कांग्रेस–एमालेबीच लामो समयदेखि विवाद भइरहेको थियो । मुख्यमन्त्री लामाले भौतिक पूर्वाधार मन्त्रालय विभाजन गर्ने तयारी गरे पनि एमालेको अवरोधका कारण सम्भव नभएको हो ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- उद्योगीलाई बिजुलीकाे महसुल तिर्न विद्युत प्राधिकरणकाे १५ दिने सूचना, नत्र लाइन काटिने
- गण्डकी प्रदेशसभा सदस्य विमला गौचनको निधन
- धितोपत्र दलालको सङ्ख्या ९० पुग्यो
- कोशी र गण्डकी प्रदेशको पहाडी भू-भागका एक-दुई स्थानमा हल्का वर्षा हुने
- आइसिसी यु –१९ महिला टी–२० मा नेपाल विजयी बन्दै विश्वकपका लागि छनोट
- शेयर : नेप्सेमा दोहोरो अंककाे गिरावट
- देउती बज्यै मन्दिरका पुजारी मृत फेला
- लिटल फ्लावरमा खेलकुद
- १५ दिनभित्र ताेकिएकाे बिल रकम नतिरे उद्याेगकाे विद्युत फेरि काटिने : कुलमान
- ढिलै किन नहाेस् डा. शेखर काेइरालाले भने - ‘रेमिट्यान्स बढ्नु भनेको आर्थिक विकास हुनु होइन’
प्राप्त प्रतिक्रिया
तपाईँको मत
प्रतिकृया दिनुहोस