अर्थतन्त्र

दसैंअघिको सेयर बजारमा सामान्य अंककाे वृद्धि

• गाउँ सहर संवाददाता
• २३ असोज बुधबार, २०८१ | १६:४४:०० मा प्रकाशित

काठमाडौँ । दसैं बिदा अघिको अन्तिम कारोबार दिन नेप्से परिसूचक झण्डै ५ अंकले बढेर बन्द भएको छ । अघिल्लो दिनको ०.१८ प्रतिशतले बढ्दा नेप्से २ हजार ६ सय ६८.१७ विन्दुमा बन्द भएको छ । मंगलबार नेप्से २७ अंकले घटेको थियो ।

बुधबार कारोबारमा आएकामध्ये १३० कम्पनीको सेयरमूल्य बढ्दा १०२ वटाको घट्यो । बाँकी ११ कम्पनीको सेयर मूल्य स्थिर छ ।

सो दिन ४० हजार १३१ पटकको कारोबारमा ८३ लाख १२ हजार ६८५ कित्ता सेयर किनबेच भए । ती किनबेचमा ३ अर्ब ७६ करोड रुपैयाँ बराबरको कारोबार भएको छ । अघिल्लो दिनको तुलनामा कारोबार रकम घटेको हो ।

बुधबार कारोबारमा आएका १३ उपसमूहमध्ये विकास बैंक, लगानी, जीवन बिमा र व्यापार बाहेक सबैको परिसूचक बढे ।