अर्थतन्त्र

शेयर बजारमा लाग्याे तीज, काराेबार रकम ९ अर्बमा सीमित

• गाउँ सहर संवाददाता
• २० भदौ बिहीबार, २०८१ | १५:०५:०० मा प्रकाशित

काठमाडौं । तीज अघिल्लाे दिन अर्थात साताको अन्तिम कारोबार दिन बिहीबार नेपाली शेयरबजारमा पनि राताम्मे भएर तीज लागेकाे छ । यसदिन नेप्सेमा तिव्र उतारचढाव देखिएको छ । यस दिन बजार खुलेलगत्तै ओरालो लागेको शेयर दिउँसो ११ बजेर १६ मिनेटपछि उकालो लागेको थियो । तर अन्तिममा दाेहाेराे अंकले घटेर बन्द भएकाे छ । 

२७१३.२७ बिन्दुबाट उकालो लागेर दिउँसो ११:२८ मा २७३८.०४ बिन्दुमा पुगेको परिसूचक त्यसपछि उतारचढावका बीच घट्दै गएर दिउँसो १२:३३ मा सबैभन्दा कम २६८७.३३ बिन्दुमा पुग्यो ।

त्यसपछि उतारचढावपूर्ण बजार दिउँसो २:३९ बजे २७५८.५९ अंकमा पुगेको थियो । त्यसपछि बजार पुन: ओरालो लाग्यो । २७१५ को बिन्दुमा झरेर २७२७.३६ मा पुगेर बजार बन्द भयो । नेप्से परिसूचक २७ सय बिन्दुभन्दा तल पुगेको थियो ।

अन्तिम समयमा भने नेप्से परिसूचक २७०० विन्दुभन्दा माथि नै बन्द भएको छ ।

यसदिन कारोबार रकम पनि घटेको छ । आज ९ अर्ब ६५ करोड १५ लाख रुपैयाँको २ करोड १५ लाख कित्ता शेयर खरिदबिक्री भएको छ ।