महिला एसिया कप क्रिकेट अन्तर्गत आज नेपालले भारतसँग प्रतिस्पर्धा गर्दै
- गाउँ सहर संवाददाता
- ८ श्रावण मंगलबार, २०८१ | ०७:१७:०० मा प्रकाशित
काठमाडौं । एसिसी महिला एशिया २०२४ अन्तर्गत समूह चरणको अन्तिम खेलमा आज नेपाल भारत विरुद्ध खेल्दैछ । खेल नेपाली समय अनुसार बेलुका ७:१५ बजे श्रीलंकास्थित दाम्बुला स्टेडियममा सुरु हुनेछ ।
१-१ खेल बाँकी रहँदा समूह ए मा नेपाल र पाकिस्तानको समान २-२ अंक छ । भारतले २ खेल जितिसकेको छ । युएईले २ खेलमा हार बेहोरेको छ ।
पछिल्लो खेलमा पाकिस्तान विरुद्ध हार बेहोरेको नेपाललाई सेमिफाइनलमा पुग्नका लागि आजको खेल जित्नु पर्ने छ । तर सो नतिजा नेपालका लागि निकै कठिन रहेको छ ।
समूह चरणको अन्तिम खेलमा पाकिस्तानले आजको पहिलो खेलमा युएई विरुद्ध खेल्नेछ । आजका सो दुई खेलको नतिजाले समूहमा दोस्रो हुँदै सेमिफाइनलमा पुग्ने टोलीको निर्धारण गर्नेछ । पाकिस्तानले युएई विरुद्ध जित हासिल गरेमा नेपालले भारतलाई हराउनैपर्ने हुन्छ ।
पाकिस्तानले हार बेहोरेमा भने नेपाल भारतसँग पराजित भएपनि , पाकिस्तान र युएईसँग नेटरनरेटमा प्रतिस्पर्धा हुनेछ । पाकिस्तानले युएई विरुद्ध हार बेहोर्ने सम्भावना नै न्युन छ ।
पछिल्लो खेलमा पाकिस्तान विरुद्ध १० विकेटले पराजित नेपालले सो खेलमा जित दर्ता गरेमा सेमिफाइनलमा स्थान पक्का हुने थियो । तर सो खेलमा फराकिलो हार बेहोरेपछि नेपालको सम्भावना न्यून भएको छ । पहिलो खेलमा भने नेपालले युएईलाई हराउँदै ऐतिहासिक जित हासिल गरेको थियो ।
भारतको भने अन्तिम चारमा प्रवेश गर्ने सम्भावना उच्च रहेको छ ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- आज र भाेलि बालबालिकालाई भिटामिन ‘ए’ खुवाइँदै
- साफ महिला च्याम्पियनसिप अन्तर्गत आज दुई खेल हुँदै, श्रीलंका र माल्दिभ्स पहिलाे र दाेस्राे खेल नेपाल र भुटानबीच
- मेचीमहाकाली राष्ट्रिय उद्धार यात्रा : काेसी प्रदेशबाट ४४ जनाकाे उद्धार
- पहाडी क्षेत्रमा आंशिकदेखि सामान्य बदली
- साफ महिला च्याम्पियनसिप २०२४ मा भारतकाे विजयी सुरुवात
- ग्लोबल आइएमई बैंकका ग्राहकलाई एजिलस डायग्नोष्टिक नेपालमा १५ प्रतिशत छुट
- ज्योति विकास बैंकका ग्राहकहरुलाई १ वर्षसम्म पोखरास्थित कुटी रिसोर्टमा २०% सम्मको विशेष छुट
- निर्वाचन आयोगको राजनीतिक दलहरुलाई यस्ताे निर्देशन
- द ब्रिटिस कलेजका विद्यार्थी शर्मा बने विश्वकै सर्वोत्कृष्ट
- ‘किसान सरल कर्जा’ राष्ट्रिय वाणिज्य बैंकद्वारा शुभारम्भ
प्रतिकृया दिनुहोस