कला

लिटल फ्लावरमा तीज गीत प्रतियोगिता

• गाउँ सहर संवाददाता
• २९ भदौ शुक्रबार, २०८० | १६:५३:०० मा प्रकाशित

लेखनाथ । हरितालिका तीज २०८० को अवसरमा  पोखरा-२७ मा रहेको लिटल फ्लावर एजुकेशनल एकेडेमीमा अतिरिक्त क्रियाकलाप अन्तर्गत तीज गीत प्रतियोगिता सम्पन्न भएको छ ।
विद्यालयका  इञ्चार्ज रामप्रसाद अधिकारीले स्वागत एवम् शुभकामना प्रदान गरेको उक्त प्रतियोगिता  शिक्षक लक्ष्मी घिमिरेको अध्यक्षतामा सम्पन्न भएको थियो ।

कक्षा ३ देखि १० सम्मका दश समूहले सहभागिता जनाएको उक्त प्रतियोगितामा कक्षा सात क समूहले प्रथम स्थान हासिल गरेको छ । यसै गरी कक्षा दशको समूहले दोश्रो स्थान हासिल गर्न सफल भयो भने कक्षा चारको समूहले तेश्रो पुरस्कार प्राप्त ग¥यो । कक्षा ३ ले प्रोत्साहन पुरस्कार प्राप्त गरेको थियो ।

विजयी समूहलाई पुरस्कार वितरण गर्देै विद्यार्थीहरुको सिर्जनात्मक क्षमताको अभिवृद्धि तथा संस्कृतिको जगेर्ना गर्ने उद्देश्यले प्रतियोगिता सम्पन्न गरिएको प्रिन्सिपल विकल पौडेलले बताए ।

प्रतियोगिताको निर्णायकहरुमा नृत्य प्रशिक्षक  मिलन तामाङ सहित  शिक्षकहरु लक्ष्मी गुरुङ  र विष्णुहरि पौडेल रहेका थिए ।

५९ औं अन्तराष्ट्रिय बाल दिवसको वारेमा माध्यमिक तह इञ्चार्ज रामकृष्ण आचार्यले आफ्ना भनाइ राखेका थिए ।

प्रतियोगिताको सञ्चालन अतिरिक्त क्रियाकलाप संयोजक विचित्र न्यौपानेले गरेका थिए ।

सॉस्कृतिक पहिचानको रुपमा तीज मनाऔं भन्ने उद्देश्यका साथ प्रतियोगिता  पश्चात्  तीज विशेष कार्यक्रम सम्पन्न भएको  थियो ।