गाउँ सहर

भुटानी शरणार्थी प्रकरणमा रायमाझीका तर्फबाट पूर्वमहान्यायाधिवक्ताले बहस गर्दै

• गाउँ सहर संवाददाता
• २६ जेठ शुक्रबार, २०८० | १४:०५:०० मा प्रकाशित

काठमाडौं । आज नक्कली भुटानी शरणार्थी प्रकरणमा प्रतिवादी टोपबहादुर रायमाझीका तर्फबाट प्रतिरक्षा बहस हुने भएको छ । जारी थुनछेक बहस अन्तर्गत  रायमाझीको पक्षमा पूर्वमहान्यायाधिवक्ता रमेश बडालले प्रतिरक्षा बहस गर्दै छन् ।

नक्कली भुटानी शरणार्थी बनाई तेस्रो मुलुक अमेरिका पठाउने भन्दै नेपाली नागरिकलाई ठगी गरेको अभियोगमा रायमाझीसहित १८ जना हाल हिरासतमा छन् । उनीहरुमाथि अदालती वयान सकेर थुनछेक वहस सुरु गरेको हो । नक्कली शरणार्थी प्रकरणमा जम्मा ३० जनालाई प्रतिवादी बनाई मुद्दा दर्ता गरिएको छ मुद्धा दायर भएका मध्ये १२ अभियुक्त अझै फरार छन् ।

काठमाडौं जिल्ला अदालतमा नक्कली शरणार्थी मुद्दामा जेठ २१ देखि थुनछेक बहस भइरहेको छ ।