गाउँ सहर

कामु प्रधानन्यायाधीश कार्कीको इजलासमा बालेनविरुद्धको रिट

• गाउँ सहर संवाददाता
• ५ बैशाख मंगलबार, २०८० | १२:३५:०० मा प्रकाशित

काठमाडौं । काठमाडौं महानगरपालिकाका मेयर बालेन साहसमेतलाई विपक्षी बनाइएको रिट कामु प्रधानन्यायाधीश हरिकृष्ण कार्कीको इजलासमा परेको छ । अत्यावश्यक सेवा रोकेको भन्दै उनीविरुद्ध रिट दर्ता भएको हो । 

सिंहदरबारको फोहर नउठाउने महानगरपालिकाको निर्णयविरुद्ध अधिवक्ता पदमबहादुर श्रेष्ठले सर्वोच्चमा रिट दर्ता गरेका थिए । कार्कीको इजलासको आठौं नम्बरमा यो रिट छ ।

प्रधानमन्त्री तथा मन्त्रिपरिषद्को कार्यालय सिंहदरबार र काठमाडौं महानगरपालिकाको कार्यालयविरुद्ध उनले रिट दर्ता गरेका हुन् । सरकारले महानगरलाई समर्थन नगरेको भन्दै बालेनले सिंहदरबार, राष्ट्रपति कार्यालय र प्रधानमन्त्री निवासको फोहोर नउठाउन निर्देशन दिएका थिए ।