समाज

गृहमन्त्रीको नागरिकता मुद्दा हेर्दाहेर्दैमा, सुनुवाइ शुक्रबार हुने,

• गाउँ सहर संवाददाता
• ११ माघ बुधबार, २०७९ | १६:०१:०० मा प्रकाशित

काठमाडाैं । बुधबारदेखि अन्तिम सुनुवाइ सुरू भएको उपप्रधान तथा गृहमन्त्री रवि लामिछानेको नागरिकता विवादसम्बन्धी मुद्दाको सुनुवाइ शुक्रबार सर्वोच्च अदालतको संवैधानिक इजलासमा हुने भएको छ ।  आजको इजलासमा  वकिलहरूको बहस नसकिएकाले मुद्दा हेर्दाहेर्दैमा रहेको हो ।

आज लामिछानेका तर्फबाट वरिष्ठ अधिवक्ताहरू सुनिल पोखरेल र सुशील पन्तले बहस गरेका थिए भने सहन्यायाधीवक्ता सञ्जीवराज रेग्मीले पनि बहस गरे । 

यसअघि रिट निवेदकका तर्फबाट संवैधानिक इजलासमा आज पाँच जना वकिलहरूले बहस गरेका छन् । रिट निवेदकका तर्फबाट रवि बसौला, युवराज पौडेल, सुरेन्द्र भण्डारी, नितिका ढुंगानालगायतले बहस गरेका हुन् ।

बुधबारदेखि मुद्दाको अन्तिम सुनुवाइ सुरू भएको र शुक्रबारको सुनुवाइमा जवाफी बहस सकिने बताइएको छ ।