बढ्याे, बढ्याे ! एकैदिन ७१० जना काेराेना संक्रमित थपिए, दुईजनाको मृत्यु, काठमाडौं उपत्यकामा कति ?

स्वास्थ्य

काठमाडाैं । साउन लागेपछि काेराेना संक्रमितहरूकाे संख्या दिनहुँ बढ्न थालेकाे छ ।

पछिल्लो २४ घण्टामा थप ७१० जनामा कोरोना भाइरस (कोभिड–१९) को संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार देशभर ५ हजार २५ नमुना परीक्षण गर्दा उनीहरुमा संक्रमण पुष्टि भएको हो ।

त्यसैगरि आज संक्रमणका कारण दुईजनाको मृत्यु भएको छ । योसँगै नेपालमा काेराेनाका कारण मृत्यु हुनेको संख्या ११ हजार ९६२ पुगेको छ ।

आज २१५ जना कोरोना संक्रमणमुक्त भएका छन् । योसँगै हाल देशभर सक्रिय संक्रमितको संख्या चार हजार २३६ पुगेको स्वास्थ्य मन्त्रालयले जानकारी दिएको छ ।

पछिल्लो २४ घण्टामा काठमाडौं उपत्यकामा ३२४ जना कोराेना संक्रमित थपिएका छन् ।

काठमाडौंमा २२४, भक्तपुरमा १६ र ललितपुरमा ६४ जना संक्रमित थपिएका हुन् ।

आज देशभर रहेका चार हजार २३६ जना सक्रिय संक्रमितमध्ये चार हजार ८० जना होम आइसोलेसनमा र १५६ जना संस्थागत आइसोलेसन छन् ।

अस्पतालमा रहेकामध्ये ३३ जना आईसीयूमा र तीनजना भेन्टिलेटरमा रहेको स्वास्थ्य तथा जनसंख्या मन्त्रालयले जनाएको छ ।