स्वास्थ्य

काेराेनाबाट एक जनाको मृत्यु, थप ५६४ जनामा संक्रमण पुष्टि

• गाउँ सहर संवाददाता
• ११ श्रावण बुधबार, २०७९ | १७:०१:०० मा प्रकाशित

काठमाडाैं । मुलुकभर पछिल्लो २४ घण्टामा थप ५६४ जनामा कोरोना भाइरसको संक्रमण पुष्टि भएको छ ।

स्वास्थ्य मन्त्रालयका अनुसार कोरोनाबाट पछिल्लो २४ घण्टामा एक जनाको मृत्यु भएको छ । यससँगै हालसम्म कोरोनाबाट ज्यान गुमाउनेको संख्या ११ हजार ९६० पुगेको छ।

बुधबार २०२ जना कोरोना संक्रमणमुक्त भएका छन् । हाल देशभर ३ हजार ९२९ कोरोनाका सक्रिय संक्रमित रहेको स्वास्थ्य मन्त्रालयले जानकारी दिएको छ ।

गत २४ घण्टामा देशभर २ हजार ७७८ पीसीआर तथा १ हजार ६७६ एन्टिजेन परीक्षण भएको छ ।

पछिल्लो २४ घण्टामा काठमाडौं उपत्यकामा २७६ जना कोभिड १९ संक्रमित थपिएका छन् ।

बुधबार काठमाडौंमा २१८ भक्तपुरमा १७ र  ललितपुरमा ४१ जना संक्रमित थपिएका हुन् ।