अर्थतन्त्र

१९ सयमा ओर्लियो नेप्से, लगानीकर्ता निराश

• गाउँ सहर संवाददाता
• २४ असार शुक्रबार, २०७९ | १३:१२:०० मा प्रकाशित

काठमाडौं । बिहीबार दाेहाेराेले घटेकाे शेयरबजार शुक्रबार पनि निरन्तर रह्याे । 

साताको कारोबारको अन्तिम दिन आज शुक्रबार नेपाल स्टक एक्सचेञ्ज (नेप्से)मा दोहोरो अंकले घट्दा १९ सयमुनि ओर्लियो छ ।

आज नेप्से ३४.७१ अंकले घटेर एक हजार ९ सय ९२ दशमलब ६१ विन्दुमा बन्द भएको छ । त्यस्तै, आज नेप्सेमा एक अर्ब १६ करोड ८४ लाख रुपैयाँ बराबरको कारोबार भएको छ ।   

आज कारोबार मध्ये तीन कम्पनीको शेयरमूल्यमा सामान्य वृद्धि भएको छ । ग्लोबल आईएमई समुन्नत स्किम १, नबिल इन्क्युटी फण्ड र केबीएल डिभेञ्चरको शेयरमूल्यमा सामान्य वृद्धि भएको छ । यसको शेयरमूल्य आज २ प्रतिशत भन्दा बढीले बढेको छ ।    

नेप्सेका अनुसार हिमालयन उर्जा विकास कम्पनीका लगानीकर्ताहरुले सर्वाधिक गुमाएका छन् । यसको शेयरमूल्य ५ प्रतिशत भन्दा बढीले घटेको छ । त्यस्तै, कारोबारको आधारमा आज सबैभन्दा बढी शिवम् सिमेन्टको भएको छ । यसको आज ५ करोड ५९ लाख भन्दा बढीको कारोबार भएको छ ।            

यस दिन १९४ स्टकको मूल्य घटेको छ भने १९ स्टकको मूल्य बढेको छ। बाँकी ४ स्टकको मूल्य यस दिन स्थिर रहेको छ ।