भुटानी शरणाथी नेता डा.भम्पा राईको निधन
- गाउँ सहर संवाददाता
- ५ असार आइतबार, २०७९ | ०८:११:०० मा प्रकाशित
काठमाडाैं । भुटानी शरणाथी नेता डा.भम्पा राईको निधन भएको छ । ७५ वर्षीय राईको आइतबार बिहान विराटनगरस्थित नोबेल अस्पतालमा उपचारका क्रममा निधन भएको हो ।
पाँच दिन अघि हर्नियाको शल्यक्रिया गरेका राईको शनिबार दिउँसो दमकस्थित लाइफालाइन अस्पताल भर्ना गरिए पनि चिकित्सकहरुले त्यहाँबाट विराटनगर रिफर गरेका थिए । उपचारकै क्रममा उनको बिहान निधन भएको हाे ।
तीस वर्षदेखि भुटानी शरणार्थीको स्वदेश फिर्ती आन्दोलनको नेतृत्व गर्दै आएका राई दमकमा एक्लै बस्दै आएका थिए । दुई वर्षअघि पत्नि उर्मिलाको निधन भएपछि उनी दमकस्थित डेरामा एक्लै बस्दै आएका हुन् ।
राईलाई दमक नगरपालिकाले नि:शुल्क आवासको व्यवस्था गरिदिएको थियो ।
भुटानी राजाका निजी डाक्टर रहेका राई सन् १९९१ मा भुटानबाट नेपाली भाषीलाई लखेट्दा उनी आफ्नै इच्छाले नेपाल आएका थिए । ३० वर्षअघि शरणार्थी हैसियतमा झापा आउँदा राईले श्रीमतीसँगै बुबाआमालाई पनि साथै ल्याएका थिए । आमा विष्णुमायाको ०५४ र बुबा आइतराजको ०६४ सालमा निधन भएको थियो । नि:सन्तान राईका लागि कुनै बेला एक लाखभन्दा बढी भुटानी शरणार्थीको गास, बास र आवासको व्यवस्थापनका लागि नेपाल सरकार तथा दातृ निकायको सहयोगका लागि पहल गरेका थिए ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- आईसीसी विश्वकप लिग टूको त्रिदेशीय सिरिज अन्तर्गत नेपालकाे दोस्रो खेलमा हार
- दोलखा मतगणनामा माओवादी केन्द्रका गंगा कार्कीले लिए पुन:अग्रता
- नेपाली सेनाको वानटन गाडी दुर्घटनामा, १५ जना घाइते
- स्कटल्यान्डसँगकाे खेलमा नेपाल १३७ रनमै समेटियाे
- सम्पदा क्षेत्र अवलोकन गर्न “विशेष बस”, अङ्ग्रेजी नयाँ वर्षदेखि सञ्चालनमा
- कांग्रेसले निर्वाचनमा अन्तरघात गर्नेहरुको सूची माग्याे
- अन्तिम चरणमा पुगेको समानुपातिक तर्फको गणनामा कसले कति पाए ?
- दोलखा प्रदेश सभा-१ बाट कुन्दनराज काफ्ले निर्वाचित
- काठमाडौंको इन्द्रचोकमा चिनियाँ नागरिकबीच विवाद हुँदा चक्कु प्रहार, दुई चिनियाँ घाइते
- पछिल्लो २४ घण्टामा देशभर ६ जनामा कोभिड-१९ को संक्रमण पुष्टि
प्रतिकृया दिनुहोस