नेप्से १९९६ विन्दुमा झर्याे, शेयरबजार निरन्तर घट्दा तनावमा लगानीकर्ता
- गाउँ सहर संवाददाता
- ३१ जेठ मंगलबार, २०७९ | १६:०८:०० मा प्रकाशित

काठमाडाैं । शेयरबजार निरन्तर ओरालो झर्न थालेपछि लगानीकर्ताहरू तनावमा परेका छन् । यतिबेला शेयर किन्ने लगानीकर्ता कम भएको र नोक्सानी नै व्यहोरेर भएपनि बिक्री गर्नेको चाप बढेको छ ।
साताको दोस्रो कारोबार दिन नेप्से परिसूचक ३६.०७ अंक घटेर १९९६.२६ विन्दुमा झरेको छ । नेप्से परिसूचक डेढ वर्षपछि २ हजार विन्दुभन्दा तल झरेको छ ।
३२ सय विन्दुसम्म पुगेको नेप्से पछिल्लो समय निरन्तर गिरावट हुँदा दुई हजार विन्दु भन्दा तल झरेको हो । नौं महिनाकै न्युन विन्दुमा नेप्से झरेको छ ।
यस दिन २३२ कम्पनीकाे ३१ हजार ८०६ पटकको कारोबारमा १ अर्ब १८ करोड ५५ लाख ४६ हजार रुपैयाँ बराबरको ४१ लाख ४७ हजार कित्ता शेयर खरिदबिक्री भएको छ । याे अघिल्लो कारोबार दिनभन्दा बढि हाे ।
यस दिन आँधीखोला लघुवित्त वित्तीय संस्था लिमिटेडको शेयरमूल्य सबैभन्दा बढि बढेको छ । त्यसैगरी, एनएमबि ५० को इकाई मूल्य ४ प्रतिशतभन्दा बढी बढेको छ ।
यसदिन हिमालयन पावर पार्टनरको सेयरमूल्य सर्वाधिक घटेकाे छ भने बलेफी हाइड्रोपावर, सगरमाथा इन्स्योरेन्स, ग्रीन भेञ्चर लिमिटेड लगायतकाे शेयरमूल्य धेरै तल झरेको छ ।
कारोबार रकमका आधारमा यस दिन शिवम् सिमेन्ट्स शीर्ष स्थानमा रहेको छ । सो कम्पनीको यस दिन ४ करोड ६७ लाख रुपैयाँ बराबरको शेयर कारोबार भएको छ। त्यसैगरी, यस दिन नेपाल क्रेडिट एण्ड कमर्श, नेपाल लाइफ र नबिल बैंकको ३ करोडभन्दा बढीको शेयर खरिदबिक्री भएको छ ।

गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- सामुदायिक विद्यालयमा घट्दाे विद्यार्थीबारे राष्ट्रियसभामा पाैडेल गराए ध्यानाकर्षण
- सेयर बजारमा गिरावट
- नीति तथा कार्यक्रम बहुमतले पारित
- यस्तो छ नीति तथा कार्यक्रममाथि प्रधानमन्त्री ओलीको जवाफ (पूर्णपाठ)
- नीति तथा कार्यक्रम प्रतिनिधिसभामा निर्णयार्थ पेस हुँदै, संसदमा उठेका प्रश्नको प्रधानमन्त्रीकाे जवाफ
- आज सरकारको नीति तथा कार्यक्रम निर्णयार्थ प्रस्तुत गरिँदै
- गाउँ सहर डट कमका पौडेल लेखनाथ पत्रकार मञ्चको अध्यक्षमा सर्वसम्मत
- भारत–पाकिस्तानबीच युद्धविराम, सैन्य कारबाही रोक्न सहमत
- पाकिस्तानसँगको तनावले नेपालको आपूर्तिमा समस्या हुँदैन - भारत
- देशभरीका खानेपानी आयोजनालाई उच्च प्राथमिकतामा राखेर बजेट विनियोजन हुन्छ : मन्त्री यादव
प्रतिकृया दिनुहोस