प्रतिनिधि सभा

आज ८ मन्त्रीहरुले बजेटमा उठेका प्रश्नकाे जवाफ दिने

काठमाडाैं । प्रतिनिधि सभाको बैठक आज जेठ ३० गते बिहान ११ बजे बस्दै छ । आजकाे बैठकमा आर्थिक वर्ष २०७९/८० को बजेटमाथि प्रतिनिधि सभा सदस्यहरुले उठाएका प्रश्नको आज सम्बन्धित मन्त्रीहरुले जवाफ दिँदै छन् । आइतबार बजेटमा मन्त्रालयगत छलफल सकिएकाले आज सम्बन्धित मन्त्रीहरुले जवाफ दिन लागेका हुन् ।

संसद सचिवालयले सार्वजनिक गरेको सम्भावित कार्यसूचीमा आज ८ मन्त्रीहरुले जवाफ दिने कार्यक्रम छ ।

संसद् सचिवालयका अनुसार सोमबारको बैठकमा कानुन न्याय तथा संसदीय मामिला मन्त्रालय, युवा तथा खेलकुद मन्त्रालय, श्रम, रोजगार तथा सामाजिक सुरक्षा मन्त्रालय, वन तथा वातावरण मन्त्रालय, सहरी विकास मन्त्रालय, भूमि व्यवस्था, सहकारी तथा गरिबी निवारण मन्त्राय, महिला, बालबालिका तथा ज्येष्ठ नागरिक मन्त्रालय  र कृषि तथा पशुपंक्षी विकास मन्त्रालयको विनियोजन विधेयकका शीर्षमाथि उठेका प्रश्नको सम्बन्धित मन्त्रीले जवाफ दिनेछन् ।

सम्बन्धित मन्त्रीहरुले जवाफ दिने काम सकिएपछि बजेट पारित हुने छ । त्यसपछि सरकारले खर्च गर्ने बाटो खुल्ने छ ।

 

गाउँ सहर संवाददाता

तपाईँको मत