अर्थतन्त्र

बढेन शेयरबजार, शुक्रबारपनि दाेहाेराे अंककाे गिरावट, काराेबार रकम एक अर्बभन्दा कम

काठमाडौं । आज पनि  शेयर बजार दोहोरो अंकले घटेको हो ।

साताकाे अन्तिम काराेबार दिन शुक्रबार नेपाल स्टक एक्सचेन्ज (नेप्से) परिसूचक १४.६४ अंकले घटेर २०४८.१६ बिन्दुमा पुगेको हो । आज बजार घटेसँगै कारोबार रकममा पनि गिरावट आएको छ । बजारमा आज एक अर्बभन्दा कम अर्थात ८९ करोड ४१ लाख रुपैयाँको शेयर कारोबार भएको छ । बिहीबार नेप्सेमा एक अर्ब ४७ करोड २६ लाख रुपैयाँको शेयर कारोबार भएको थियो ।  

आज ३५ वटा कम्पनीको शेयर मूल्य बढेको छ भने १५२ वटा कम्पनीको शेयरमूल्य घटेको छ । नेप्सेका अनुसार आज तीन कम्पनीको शेयरमूल्य उच्च वृद्धि भएको छ । शेयरमूल्यमा उच्च वृद्धि हुने कम्पनीमा ग्रीन भेञ्चर लिमिटेड, उपकार लघुवित्त वित्तीय संस्था र बलेफी हाइड्रोपावर कम्पनी रहेका छन् । ग्रीन भेञ्चर लिमिटेड र उपकार लघुवित्त वित्तीय संस्थाको शेयरमूल्य १० प्रतिशतले बढेको छ भने  बलेफी हाइड्रोपावर कम्पनीको शेयरमुल्य ९.९८ प्रतिशतले बढेको छ ।    

सबैभन्दा धेरै गुमाउनेमा सामुदायिक लघुवित्त वित्तीय संस्था र युनलिभर नेवपाल कम्पनीका लगानीकर्ता छन् ।

आज यस कम्पनीको शेयरमूल्य ५ प्रतिशत भन्दा बढीले घटेको छ ।

यस्तै, कारोबारको आधारमा आज सबैभन्दा बढी कारोबार कुमारी बैंकको भएको छ । यस बैंकको आज ५ करोड ५ लाख भन्दा बढीको कारोबार भएको छ । 

गाउँ सहर संवाददाता

तपाईँको मत