राजनीति

जिल्ला समन्वय समिति रामेछापमा कांग्रेस र माओवादीबीच तालमेल

जिल्ला समन्वय समितिमा नेपाली कांग्रेस र माओवादी केन्द्रबीच तालमेलपछि उम्मेद्वारलगायत संयुक्त रूपमा तस्बिर खिचाउँदै ।

रामेछाप । जिल्ला समन्वय समिति रामेछापमा नेपाली कांग्रेस र नेकपा माओवादी केन्द्रबीच तालमेल भएको छ ।

आइतबार हुने जिल्ला समन्वय समितिको निर्वाचनका लागि बिहीबार दुई दलले संयुक्त रूपमा उम्मेदवारी दर्ता गरेका हुन् ।

कांग्रेस र माओवादीबीचको सहमति अनुसार प्रमुखसहित ४ पदमा कांग्रेसले र उपप्रमुखसहित ५ पदमा माओवादी केन्द्रले लिने सहमति भएको छ । नेपाली कांग्रेसका जिल्ला सचिव दीपक खड्काका अनुसार दुबै पार्टी मिलेर जाने केन्द्रको निर्णय अनुसार जिल्लामा पनि सहमति खोजिएको बताए ।

दुई पार्टीको तालमेलपछि गठबन्धनका उम्मेदवार विजयी हुने निश्चितप्राय: छ । गठवन्धनको पक्षमा नेपाली कांग्रेसकाे ७ र माओवादीकाे ३ गरि १० मत छ भने एमालेको पक्षमा ६ मत रहेको छ । दुई दलको सहमति अनुसार प्रमुखमा कांग्रेसकी चिना खड्का कार्की र उपप्रमुखमा माओवादी केन्द्रका प्रेमबहादुर थापाले उम्मेदवारी दिएका छन् ।

यस्तै एमालेले पनि गठवन्धन विरुद्ध आफ्नो उम्मेदवारी दिएकाे छ । प्रमुखमा तुलाप्रसाद कँडेलले उम्मेदवारी दर्ता गराएका छन् ।

जिल्लाका आठ वटा स्थानीय तहका प्रमुख उपप्रमुख गरि १६ जनाले जिल्ला समन्व्य समितिको ९ पदका लागि मतदान गर्ने छन् ।

गठबन्धन दलका उम्मेद्वार                     

१) प्रमुख - चिना खड्का कार्की (नेपाली कांग्रेस)

२) उप-प्रमुख - प्रेमबहादुर थापा ( माओवादी केन्द्र)

३) सदस्य - बाबुलाल याेन्जन ( नेपाली कांग्रेस)

४) सदस्य - अनिषा माझी (नेपाली कांग्रेस)

५) सदस्य - बीरबहादुर कार्की (नेपाली कांग्रेस)

६) सदस्य - हीराकुमारी गिरी (माओवादी केन्द्र)

७) सदस्य - डम्बरकुमारी रसाइली (माओवादी केन्द्र)

८) सदस्य - बिन्दा सार्की ( माओवादी केन्द्र)

९) सदस्य - बिक्रम थापामगर ( माओवादी केन्द्र)

गाउँ सहर संवाददाता

तपाईँको मत