बुधरबार बढेकाे शेयरबजार एकदिन पनि टिकेन, नेप्से र काराेबार रकम दुवै घट्याे
- गाउँ सहर संवाददाता
- २६ जेठ बिहीबार, २०७९ | १५:३५:०० मा प्रकाशित
काठमाडौं । बुधबार उच्च अंकको वृद्धि भएकाे नेप्से एक दिन पनि टिकेन । पछिल्लो ८ कारोबार दिनदेखि निरन्तर ओरालो लागिरहेको नेप्से बुधबार २.९८ प्रतिशत अर्थात ६०.२२ अंक बढेर २०८०.४४ विन्दुमा पुगेको थियाे ।
तर भाेलीपल्टै आज बिहीबार दोहोरो अंकले घटेको छ ।
यसदिन नेप्से परिसूचक १७.५८ अंकले घटेर २०६२.८६ बिन्दुमा पुगेको हो ।
आज बजार घटेसँगै कारोबार रकममा पनि गिरावट आएको छ । बजारमा आज एक अर्ब ४७ करोड २६ लाख रुपैयाँको शेयर कारोबार भएको छ । बुधबार नेप्सेमा एक अर्ब ६४ करोड ३ लाख रुपैयाँको शेयर कारोबार भएको थियो ।
त्यस्तै, आज ३५ वटा कम्पनीको शेयर मुल्य बढेको छ भने १६० वटा कम्पनीको शेयरमुल्य घटेको छ ।
आज दुई कम्पनीको शेयरमूल्य उच्च वृद्धि भएको छ । शेयरमूल्यमा उच्च वृद्धि हुने कम्पनीमा उपकार लघुवित्त वित्तीय संस्था र बलेफी हाइड्रोपावर कम्पनी रहेका छन् । उपकार लघुवित्त वित्तीय संस्थाको शेयरमूल्य १० प्रतिशतले बढेको छ भने बलेफी हाइड्रोपावर कम्पनीको शेयरमुल्य ९.९९ प्रतिशतले बढेको छ ।
त्यस्तै, आज समित लघुवित्त वित्तीय संस्था र सिंगटी हाइड्रोपावरका लगानीकर्ताले सर्वाधिक गुमाएका छन् ।
यसदिन कारोबारको आधारमा आज सबैभन्दा बढी कारोबार कुमारी बैंकको भएको छ । यस बैंकको आज ६ करोड ७४ लाख भन्दा बढीको कारोबार भएको छ ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- त्रिविको ४८ औँ दीक्षान्त समारोह : ६३ हजार एक सय ३७ विद्यार्थी दीक्षित
- संसद महासचिवको पत्र कार्यान्वयन नगर्न अन्तरिम आदेश
- हाल देशभर सक्रिय संक्रमितको संख्या कति छ ?
- ग्लोबल आइएमई बैंकको १६औं वार्षिक साधारण सभा सम्पन्न, मर्जरसम्बन्धी अन्तिम स्वीकृति प्रदान
- महाभियोग फुकुवा विरुद्धको रिटकाे सुनुवाइमा के भयो त आज ?
- बहुविवाह गरेको व्यक्तिलाई समानुपातिक सूचिबाट हटाउन माग गर्दै सर्वोच्चमा रिट दर्ता
- स्वास्थ्य बिमा कार्यक्रमले अपेक्षित सेवा प्रवाह गर्न सकेन
- गृहकार्य नपुगेकाे भन्दै एमाले बैठक स्थगित
- माया खोला हाइड्रोपावरको आईपीओ खुला
- कालीकोटमा नुनको अभाव
प्रतिकृया दिनुहोस