ख्वप अस्पताललाई १०० शैय्याको अस्पताल सञ्चालन अनुमति
- गाउँ सहर संवाददाता
- २४ जेठ मंगलबार, २०७९ | १९:५५:०० मा प्रकाशित
भक्तपुर । भक्तपुर नगरपालिकाबाट सञ्चालित भक्तपुरको च्याम्हासिंहस्थित ख्वप अस्पताललाई १०० शैय्याको अस्पताल सञ्चालनको लागि अनुमति प्राप्त भएको छ ।
मिति २०७८ फागुन १ गतेदेखि लागू हुने गरी ६ महिना परीक्षणकाल रहने गरी प्रदेश स्वास्थ्य निर्देशनालयले १ वर्षको लागि १०० शैय्याको अस्पताल सञ्चालनको लागि अनुमति प्रदान गरेको हो । उक्त प्रमाणपत्र भक्तपुर नगरपालिकाले २०७९ जेठ २३ गते प्राप्त गरेको हो ।
सोही क्रममा भक्तपुर नगरपालिकाका प्रमुख सुनिल प्रजापतिले प्राविधिक शिक्षा तथा व्यवसायिक तालिम परिषद् (सीटीइभीटी) ले आफ्नै १०० शैय्याको आफ्नै अस्पताल भएका शिक्षण संस्थाले मात्र पीसीएल नर्सिङको पठनपाठन गराउन पाउने निर्णय गरेको हुँदा भक्तपुर नपाले २५ शैय्याको ख्वप अस्पताललाई १०० शैय्यामा स्तरोन्नति गर्न लामो समयदेखि प्रयासरत रहेको र हालै ख्वप अस्पताललाई १०० शैय्याको अस्पताल सञ्चालन गर्न अनुमति प्राप्त भएको बताए । १०० शैय्याको क्षमतामा ख्वप अस्पताल सञ्चालन भएसँगै अस्पतालको सेवा तथा सुविधाहरुलाई स्तरीय बनाइँदै लगिने बताउँदै उनले नर्सिङ शिक्षा सञ्चालन हुने भएसँगै विद्यार्थीहरुमा उत्साह थपिएको बताए ।
ख्वप अस्पतालले हाल दैनिक ६०० भन्दा बढी बिरामीहरुलाई सेवा प्रदान गर्दै आएकोमा जनताले थप सेवाको आशा गरेका छन् । हालै सम्पन्न स्थानीय तहको निर्वाचनमा ख्वप अस्पताललाई १०० शैयामा स्तरोन्नति गरी सुविधा सम्पन्न अस्पतालको रुपमा विकास गर्ने घोषणापत्रमा उल्लेख छ । प्रदेश सरकारको तर्फबाट अनुमति प्राप्त हुनुलाई नेमकिपाको निर्वाचन घोषणापत्र कार्यान्वयनको रुपमा लिइएको छ ।
यसअघि मिति २०७९ वैशाख ८ गते ख्वप अस्पतालको प्रारम्भिक वातावरणीय परीक्षणसम्बन्धी सार्वजनिक सुनुवाई भएको थियो ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- बागलुङमा बस दुर्घटनामा ७ जनाको मृत्यु
- अनुसन्धान गर्न महरालाई ४ दिन हिरासतमा राख्न अदालतकाे अनुमति
- इलाम-१ मा उपनिर्वाचनका लागि यी २० दल भए दर्ता
- धरौटीमा छुटे सुन तस्करी प्रकरणमा पक्राउ परेका गुरुङ
- दुर्गा प्रसाईँका सुरक्षा गार्ड पक्राउ, साथबाट हतियार र सय राउण्ड गोली बरामद
- दीपक मनाङे बने भौतिक पूर्वाधार मन्त्री
- केही दिनदेखि शेयरबजारमा देखिएन उत्साह
- ‘नेता कुटपिटमा हाम्राे कुनै संलग्नता छैन, झुठो आरोप लगाइयो’
- प्रतिनिधिसभा बैठक प्रत्यक्ष प्रसारण
- माओवादी उपाध्यक्ष कृष्णबहादुर महरा पक्राउ
प्रतिकृया दिनुहोस