गाउँ सहर

श्री एयरलाइन्सको विमान इन्जिनमा समस्या देखिएपछि काठमाडौँ फिर्ता

• गाउँ सहर संवाददाता
• २८ बैशाख बुधबार, २०७९ | १२:५१:०० मा प्रकाशित

काठमाडाैँ । धनगढी उडेको श्री एयरलाइन्सको विमान इन्जिनमा समस्या देखिएपछि काठमाडौँ फिर्ता भएको छ ।

बायाँतर्फको इन्जिनमा समस्या देखिएपछि इन्जिन सटडाउन गरेर काठमाडौंमा आकस्मिक अवतरण गरिएको त्रिभुवन विमानस्थल नागरिक उड्ययन कार्यालयका प्रवक्ता टेकनाथ सिटौलाले बताएका छन् ।

२५ माइलमा पुगेपछि उडान नम्बर–२२३ विमानको इन्जिनमा समस्या देखिएको थियो । ८७ जना यात्रु बोकेको जहाज त्रिभुवन अन्तर्राष्ट्रिय विमानस्थलमा ल्याण्ड गरिएको छ ।

अहिले जहाजको प्राविधिक परीक्षण भइरहेको छ ।