स्वास्थ्य

२४ घण्टामा ५ जनामा कोरोना भाइरसको संक्रमण पुष्टि

• गाउँ सहर संवाददाता
• १७ बैशाख शनिबार, २०७९ | १६:०८:०० मा प्रकाशित

काठमाडौँ। नेपालमा पछिल्लो २४ घण्टामा ५ जनामा कोरोना भाइरसको संक्रमण पुष्टि भएको छ।

स्वास्थ्य मन्त्रालयका अनुसार पछिल्लो २४ घण्टामा कोरोनाबाट कसैको पनि मृत्यु भएको छैन। हालसम्म कोरोनाबाट ११ हजार ९५१ जनाले ज्यान गुमाएका छन्।

शनिबार १७ जना कोरोना संक्रमणमुक्त भएको स्वास्थ्य मन्त्रालयले जनाएको छ। हाल देशभर २३० जना सक्रिय संक्रमित रहेका छन्।

गत चौबीस घण्टामा १ हजार ६६ पीसीआर तथा १ हजार १ सय ४८ एन्टिजेन परीक्षण भएको छ।