अर्थतन्त्र

शेयर बजारमा दोहोरो अंककाे गिरावट, एक अर्ब ४९ करोडमाथिकाे काराेबार

काठमाडाैं । शेयर बजारमा साताको कारोबारको अन्तिम दिन आज बिहीबार दोहोरो अंकले गिरावट आएकाे छ  । आज नेप्से १९.९७ अंकले घटेर दुई हजार ३ सय ५६ दशमलब २० विन्दुमा पुगेको हो । त्यस्तै, आज नेप्सेमा एक अर्ब ४९ करोड ६२ लाख रुपैयाँ बराबरको कारोबार भएको नेप्सेले जनाएकाे छ ।

नेप्सेका अनुसार आज कारोबार भएका २५ कम्पनीको शेयरमूल्य बढेको छ भने १६३ कम्पनीकोे शेयरमूल्य घटेको छ । यसमध्ये पनि एक कम्पनीको शेयरमूल्य ९.९९ प्रतिशतले बढेको छ । आज जाल्पा सामुदायिक लघुवित्त वित्तीय संस्थाको शेयरमूल्य ९.९९ प्रतिशतले बढेर प्रतिकित्ता ११४२.६० रुपैयाँ पुगेको छ । 

आज गुहेश्वरी मर्चेन्ट बैंकिङ एण्ड फाइनान्स कम्पनीका लगानीकर्ताहरुले सर्वाधिक गुमाएका छन् । यसको शेयरमूल्य करिब ४ प्रतिशतले घटेको छ । कारोबारको आधारमा आज सबैभन्दा बढी आईएमई जनरल इन्स्योरेन्स भएको छ । यस कम्पनीको आज ५ करोड २५ लाख भन्दा बढीको कारोबार भएको नेप्सेले बताएकाे छ ।                    
 

गाउँ सहर संवाददाता

तपाईँको मत