गाउँ सहर

सात केजी बराबरको चाँदीका गहनासहित दुईजना पक्राउ

काठमाडाैं । प्रहरीले ७ केजी बराबरको चाँदीका गहनासहित दुईजनालाइ पक्राउ गरेकाे छ । सिरहाकाे लहान नगरपालिका ३ अस्पतालचोकस्थित सगरमाथा होटल एण्ड लजबाट २ जनालाई भन्सार छलि ल्याएका ७ केजी ६ सय ११ ग्राम बराबरको विभिन्न चाँदी गरगहना सहित आइतबार प्रहरीले पक्राउ गरेको हाे ।

पक्राउ पर्नेहरूमा मोरङ रंङेली नगरपालिका ९ बस्ने २७ वर्षीय उमेश बिश्वकर्मा र सोही ठाउँ बस्ने ३६ वर्षीय महेश कुमार बिश्वकर्मा रहेका छन् ।  

ईलाका प्रहरी कार्यालय लहानबाट खटिएको प्रहरीले उक्त होटल एण्ड लज तलासी गर्दा उनीहरूको साथबाट उक्त परिमाणको चाँदीका गरगहनाहरु फेला पारी पक्राउ गरेको हो ।उनीहरूलाई बरामद चाँदीका गरगहना सहित आवश्यक कारवाहीको लागि आन्तरिक राजश्व कार्यालय ईटहरी सुनसरीमा बुझाइएको प्रहरीले जनाएकाे छ ।  

यस सम्बन्धमा प्रहरीले थप अनुसन्धान गरिरहेकाे बताएकाे छ । 

गाउँ सहर संवाददाता

तपाईँको मत