गाउँ सहर

स्राेत नखुलेकाे भारतीय नाेटसहित चार जना पक्राउ

काठमाडाैं । प्रहरीले  स्रोत नखुलेको रकमसहित चार जनालाई पक्राउ गरेकाे छ।  बिराटनगर महानगरपालिका १५ रानी सिमाबाट स्रोत नखुलेको ३ लाख ८ हजार ५ सय भारतीय रुपैयाँ सहित चार जनालाई सोमबार दिउँसो प्रहरीले पक्राउ गरेको हाे ।

पक्राउ पर्नेहरुमा सुनसरी बर्जु गाउँपालिका १ बस्ने ३८ वर्षीय सुरज ऋषिदेव, उनकै श्रीमती ३८ वर्षीया शिव कुमारी ऋषिदेव, भारत सहरसा मानगढ ग्राम पंचायत बस्ने २९ वर्षीय विसुनदेव मुखिया र सोही ठाउँ बस्ने २७ वर्षीय अविनाश मुखिया रहेकाे प्रहरीले जानकारी दिएकाे छ ।

सिमा प्रहरी चौकी रानीबाट खटिएको प्रहरीले जाँच गर्ने क्रममा उनीहरुको साथबाट उक्त स्रोत नखुलेको भारतीय रुपैँया सहित फेला पारी उनीहरुलाई पक्राउ गरेको जनाएकाे छ ।

यस सम्बन्धमा प्रहरीले थप अनुसन्धान गरिरहेको बताएकाे छ ।

गाउँ सहर संवाददाता