स्वास्थ्य

शुक्रबार थपिए १२ जना काेराेना सङ्क्रमित, ८९ जनाले गरे स्वास्थ्य लाभ

• गाउँ सहर संवाददाता
• २५ चैत शुक्रबार, २०७८ | १७:०३:०० मा प्रकाशित

काठमाडाैं । देशमा पछिल्लो २४ घण्टामा थप १२ जनामा कोरोना सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जानकारी दिएकाे छ ।  मन्त्रालयका अनुसार २७ सय २८ जनाको पीसीआर परीक्षण गर्दा १२ जनामा सङ्क्रमण पुष्टि भएको हो ।

त्यस्तै, १६ सय २१ जनाको एन्टिजेन परीक्षण गर्दा एक जनामा सङ्क्रमण पुष्टि भएको मन्त्रालयले जनाएको छ । साथै पछिल्लो २४ घण्टामा थप ८९ जना सङ्क्रमित सङ्क्रमणमुक्त भएका छन् ।

बितेकाे २४ घण्टामा मृत्यु शून्य छ भने हाल देशभर सक्रिय सङ्क्रमितको सङ्ख्या ६६९ जना रहेका छन् । २४ घण्टामा २६ हजार ४५ जनाले खोप लगाएकाे मन्त्रालयले बताएकाे छ ।