राजनीति

संयुक्त विज्ञप्ति जारी गर्ने निर्णयसँगै सकियाे सत्ता गठबन्धनको बैठक

• गाउँ सहर संवाददाता
• २५ चैत शुक्रबार, २०७८ | १२:४१:०० मा प्रकाशित

काठमाडाैं । सत्ता गठबन्धनको बैठक सकिएकाे छ । गठबन्धनले स्थानीय तह निर्वाचनका लागि गठन गरेको निर्वाचन तयारी तथा अनुगमन समितिले निर्वाचन सम्बन्धमा संयुक्त विज्ञप्ति जारी गर्ने निर्णय गरेको छ ।

शुक्रबार बालुबाटारमा बसेको गठबन्धनमा आवद्ध दलहरुका शीर्ष नेताहरुको बैठकले सो निर्णय गरेको बैठकमा सहभागी नेकपा (एकीकृत समाजवादी) का सम्मानित नेता झलनाथ खनालले जानकारी दिएका छन् । 

खनालले भने “आजको बैठक अनौपचारिक हो । हामीले रामचन्द्र पौडेलको नेतृत्वमा रहेको समितिले निर्वाचनका सन्दर्भमा संयुक्त विज्ञप्ति जारी गर्नेबारे कुरा गर्यौंँ ।”

बैठकमा चुनावी तालमेलबारे सैद्धान्तिक छलफल भएको बुझिएको छ ।