राजनीति

राप्रपाले गठन गरेकाे केन्द्रीय कार्यसम्पादन समितिमा काे - काे समेटिए ? (नामावलीसहित)

• गाउँ सहर संवाददाता
• १४ चैत सोमबार, २०७८ | १२:४५:०० मा प्रकाशित

काठमाडाैं । राष्ट्रिय प्रजातन्त्र पार्टी (राप्रपा) ले केन्द्रीय कार्यसम्पादन समिति गठन गरेको छ ।

अध्यक्ष राजेन्द्र लिङ्देनले पार्टी विधानअनुसार साेमबार कार्यसम्पादन समिति गठन गरेका हुन् ।

विधानअनुसार ३३ सदस्यीय समिति बनाउनुपर्ने भए पनि अहिले २० सदस्यीय समिति बनाइएको प्रवक्ता मोहन श्रेष्ठले जानकारी दिएका छन् । 

‘कार्यसम्पादन समितिमा बाँकी १३ जना सदस्य पनि अध्यक्षले छिट्टै मनोनीत गर्नुहुन्छ,’ उनले भने । समितिमा अध्यक्ष लिङ्देन, उपाध्यक्षहरू बुद्धिमान तामाङ, बिक्रम पाण्डे, ध्रुबबहादुर प्रधान, रोशन कार्की, हेमजङ्ग गुरुङ, मुकुन्द श्याम गिरी छन् ।

साथै महामन्त्री धवलशमशेर राणा, भुवन पाठक, कुन्तीकुमारी शाही, राजेन्द्र गुरूङ, प्रल्हाद साह पनि कार्यसम्पादन समितिमा छन् ।

केन्द्रीय सदस्य दीपक बोहोरा, नवराज सुवेदी, हरिबहादुर बस्नेत, बालाराम घर्ती मगर, जयन्त चन्द, टंक ढकाल, ठाकुरप्रसाद शर्मा, ऋषिबाबु परियार पनि केन्द्रीय कार्यसम्पादन समितिमा समेटिएका छन् ।