गाउँ सहर

१२ वर्षीया बहिनीलाई बलात्कार गरेको आरोपमा १९ वर्षीय दाजु पक्राउ

• गाउँ सहर संवाददाता
• ९ चैत बुधबार, २०७८ | ११:५६:०० मा प्रकाशित

काठमाडाैं । प्रहरीले बहिनी बलात्कार आरोपमा दाजुलाइ पक्राउ गरेकाे छ ।  आफ्नै १२ वर्षीया बहिनीलाई बलात्कार गरेको आरोपमा १९ वर्षीय दाजुलाई बझाङबाट प्रहरीले पक्राउ गरेको जानकारी दिएकाे छ । 

आइतबार बेलुकी घाँस काट्न गएकी बालिकामाथि मोबाइल र पैसाको लोभ देखाएर बलात्कार भएको उजुरी आएको प्रहरीले जनाएको छ ।

जिल्ला प्रहरी कार्यालय बझाङका अनुसार बालिकाले घटनाबारे बताएपछि सोमबार उनकी आमाले उजुरी दिएकी थिइन् ।

अभियुक्तलाई पक्राउ गरिएको छ । बालिकाको स्वास्थ्य परीक्षण गरिएको छ भने उनलाई सुरक्षित घरमा राखिएको छ ।

जिल्ला प्रहरी कार्यालय बझाङका डिएसपी ज्ञानबहादुर विष्टले आरोपीमाथि जबरजस्ती करणीअन्तर्गत मुद्दा चलाइएको  प्रहरीले बताएकाे छ ।