डिजिटल प्रणालीद्वारा जग्गाको नापनक्सा तथा जग्गा प्रशासन सम्बन्धी सेवा प्रवाह निर्देशिका २०७८ जारी
- गाउँ सहर संवाददाता
- ५ चैत शनिबार, २०७८ | ०८:२६:०० मा प्रकाशित
काठमाडाैँ । सरकारले डिजिटल प्रणालीद्वारा जग्गाको नापनक्सा तथा जग्गा प्रशासन सम्बन्धी सेवा प्रवाह निर्देशिका २०७८ जारी गरेको छ ।
बिहीबार भूमि व्यवस्था तथा गरिबी निवारण मन्त्रालयले उक्त निर्देशिका राजपत्रमा प्रकाशित गरेको हो ।
डिजिटल प्रणाली मार्फत जग्गाको नापनक्सा तथा जग्गा प्रशासन सम्बन्धी सेवालाई सरल, सहज, छिटो, छरितो तथा सेवाग्राहीमैत्री सेवा प्रवाह गर्न निर्देशिका जारी गरिएको मन्त्रालयले जनाएको छ ।
यसअघि नै देशभरका मालपोत कार्यालयबाट अनलाइन सेवा सुरु गरेको भए पनि निर्देशिका तयार भएको थिएन । अब निर्देशिका तयार भएसँगै काममा झनै सहज हुनेछ ।
मन्त्रालयले अनलाइनबाटै सेवा प्रदान गर्न मेरो कित्ता सिस्टमको विकास गरेको छ । जसबाट कित्तानापी नक्सा प्रिन्ट, फिल्डबुक प्रिन्ट, प्लट रजिष्टर प्रिन्ट, फिल्ड रेखांकन, राजस्व भुक्तानी लगायतका काम गर्न सकिने छ ।
मेरो कित्ताबाट सेवा लिन निवेदकले अनुरोध गर्दा आफ्ना नागरिकताको प्रमाणपत्र वा राष्ट्रिय परिचयपत्र र जग्गाधनी प्रमाणपूर्जाको स्क्यान गरी इमेज ढाँचामा अपलोड गर्नुपर्नेछ ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- इन्डोनेसियाको फुटबल खेलमा भएको भागदौडमा मृत्यु हुनेको संख्यो १७४ पुग्याे
- घुम्टे युवा परिवार जापान शाखाद्वारा खेलकुद सामग्री सहयोग
- इटहरीका पूर्वमेयर द्वारिकलाल चौधरी कार्यकर्तासहित माओवादीमा प्रवेश
- ऐतिहासिक सिन्धुलीगढीको २५५ औं विजय दिवस चित्रकथा सार्वजनिक
- चाडपर्वको शुभकामना दिँदै प्रचण्डले भने : प्रतिगमन विरोधी शक्तिलाई मत दिनुस्
- आज घर–घरमा फूलपाती भित्र्याइँदै, कतिबजे शुभ समय ?
- समानुपातिकतर्फ बन्दसूची संशोधन गर्ने आज अन्तिम दिन
- आज थाेरै प्रदेशहरूमा मेघ गर्जन/चट्याङ्ग
- पछिल्लो २४ घण्टामा देशभर ९६ जना निको, १९ जना संक्रमित
- दशैँ मनाउन जाने क्रममा बस र कारमा आगलागी
प्रतिकृया दिनुहोस