खेल

यूएईले नेपाललाई दियो १६९ रनको लक्ष्य

• गाउँ सहर संवाददाता
• ४ चैत शुक्रबार, २०७८ | १६:५१:०० मा प्रकाशित

काठमाडाैं । आईसीसी विश्वकप क्रिकेट लिग–२ अन्तर्गतको दोस्रो खेलमा नेपाललाई यूएईले १६९ रनको लक्ष्य दिएको छ ।

लिग–२ अन्तर्गतको त्रिकोणात्मक एकदिवसीय सिरिजको दोस्रो खेलमा टस जितेर पहिलो ब्याटिङ गरेको यूएईले नेपाललाई १६९ रनको चुनौती दिएको हो। नेपालले यूएईलाई ४६ ओभर ३ बल बाँकी हुँदा १६८ रनमा अलआउट गरेको हो ।

शुक्रबारको खेलमा यूएईको ब्याटिङलाई कमजोर बनाउन नेपालका सोमपाल कामीले एक्लै चार विकेट लिए। करण केसीले तीन विकेट लिए भने कप्तान सन्दीप लामिछाने, दीपेन्द्रसिंह ऐरी र सागर ढकालले एकएक विकेट लिएका छन् ।

पहिलो खेलमा पपुवा न्युगिनी (पीएनजी)लाई दु्ई विकेटले हराएको नेपाल लगातार दुई जित निकाल्ने लक्ष्यका साथ मैदानमा छ ।