अर्थतन्त्र

आज शेयर बजारमा दाेहाेराे अंककाे गिरावट, काराेबार रकम पनि खुम्चियाे

 काठमाडाैं । शेयर बजारमा साताको कारोबारकाे चाैथाेँ दिन बुधबार दोहोरो अंकको गिरावट आएको छ । आज नेप्से १९.६५ अंकले घटेर दुई हजार ६ सय ३१ दशमलब ३२ विन्दुमा रोकिएको नेप्सेले जनाएकाे छ । मंगलबार नेप्से नेप्से १७.१५ अंकले घटेर दुई हजार ६ सय ५० दशमलब ९७ विन्दुमा पुगेर कारबार बन्द भएको थियो ।

आज कारोबार रकममा पनि गिरावट आएको छ । आज २ अर्ब ५७ करोड ४ लाख बराबरको कारोबार भएको छ । मंगलबार ३ अर्ब ३६ करोड ४२ लाख बराबरको कारोबार भएको थियो ।

नेप्सेका अनुसार आज कारोबार भएका ४९ वटा कम्पनीका लागानीकर्ताहरुले कमाएका छन् भने १३५ कम्पनीका लगानीकर्ताहरुले भने गुमाएका छन् । यसमध्ये आज इमजिङ नेपाल लिमिटेडको शेयरमूल्यमा उच्च वृद्धि भएको छ । यस कम्पनीको शेयरमूल्य आज ९.९८ प्रतिशतले बढेर प्रतिकित्ता ४७२.६० रुपैयाँ पुगेको छ । 

आज युनाइटेड इदी मर्दी आरबी हाइड्रोपावर कम्पनीको शेयरमूल्यमा सर्वाधिक गिरावट आएको छ । यस कम्पनीको शेयरमूल्य आज ४.९२ प्रतिशतले घटेको छ । कारोबारको आधारमा आज सबैभन्दा बढी नेपाल दुरसञ्चार कम्पनीकोे भएको छ । यस कम्पनीको आज १६ करोड ३६ लाख भन्दा बढीको कारोबार भएको नेप्सेले बताएकाे छ ।    

गाउँ सहर संवाददाता

तपाईँको मत