अर्थतन्त्र

शेयर बजार सामान्य अंकले सुधारियाे, कारोबार रकममा पनि सामान्य वृद्धि

• गाउँ सहर संवाददाता
• २३ फाल्गुण सोमबार, २०७८ | १५:२४:०० मा प्रकाशित

काठमाडाैं । नेप्सेमा साताको कारोबारको दोस्रो दिन साेमबार सामाान्य अंकले वृद्धि भएकाे छ ।  आज नेप्से १.५५ अंकले बढेर दुई हजार ५ सय ४४ दशमलब ९३ विन्दुमा रोकिएको हो । आज २ अर्ब ६० करोड ९ लाख बराबरको कारोबार भएको नेप्सेले जनाएकाे छ । 

नेप्सेका अनुसार आज कारोबार भएका कम्पनीमा ११८ वटा कम्पनी घटेका छन् भने ६६ वटा कम्पनी बढेका छन् । यसमध्ये दुई कम्पनीको शेयरमूल्यमा उच्च वृद्धि भएको छ । शेयरमूल्यमा वृद्धि हुने कम्पनीमा वुद्धभुमी नेपाल हाइड्रोपावर र बोटलर्स नेपालको रहेको छ । यस कम्पनीको शेयरमूल्यमा आज ५ प्रतिशतले बढेको छ ।

आज पाँचथर पावर कम्पनीको शेयरमूल्यमा उच्च गिरावट आएको छ । यस कम्पनीको शेयरमूल्य आज ६ प्रतिशतले घटेर प्रतिकित्ता ४१८ रुपैयाँमा झरेको छ । कारोबारको आधारमा आज सबैभन्दा बढी शिवम् सिमेन्टकोे भएको छ । यस कम्पनीको आज २७ करोड ६९ लाख भन्दा बढीको कारोबार भएको नेप्सेले बताएकाे छ ।