अर्थतन्त्र

शेयरबजार : नेप्से सामान्य अंकले घट्याे

काठमाडाैं । साताको पहिलो दिन आइतबार सेयर बजारमा सामान्य घटेकाे छ । तर एमसीसी पास हुने अपेक्षामा जलविद्युत उपसमूहको परिसूचक बढेको छ ।जलविद्युत उपसमूहको परिसूचक १.०४ प्रतिशत बढेको छ ।

यसदिन नेप्से परिसूचक भने ७.७३ अंक घटेको छ ।

यस दिन २२४ कम्पनीको ४९ हजार ६७० पटकको कारोबारमा ३ अर्ब २७ करोड ३० लाख ६५ हजार रुपैयाँ बराबरको ७० लाख ४० हजार कित्ता शेयर खरिदबिक्री भएको छ ।

एमसीसी पास हुने अपेक्षामा जलविद्युत कम्पनीहरुमा लगानीकर्ताहरुको आकर्षण बढेका कारण यस उपसमूहको परिसूचक बढ्न पुगेको हो । यस दिन सर्वाधिक शेयरमूल्य बढेका १० कम्पनीहरुको सूचीमा ७ जलविद्युत कम्पनी रहेका छन् ।

कारोबार रकमका आधारमा युनिभर्सल पावर कम्पनी अग्रस्थानमा रहेको छ । कम्पनीको २० करोड ४४ लाख २४ हजार १४१ रुपैयाँको सेयर किनबेच भएको छ । दोस्रो र तेस्रो स्थानमा नेपाल दूरसञ्चार कम्पनी र नेशनल हाईड्रोपावर कम्पनी रहेका छन् ।

कारोबारमा आएको हिमालयन जनरल इन्स्योरेन्सको शेयरमूल्य यस दिन सर्वाधिक घटेको छ । 

गाउँ सहर संवाददाता

प्रतिकृया दिनुहोस
प्राप्त प्रतिक्रिया
तपाईँको मत