अर्थतन्त्र

राताम्मे बन्याे शेयर बजार, करिब ६ अर्बको कारोबार

काठमाडाैं । नेप्सेमा साताको कारोबारको पहिलो दिन आइतबार उच्च अंकको गिरावट भएको छ । आज नेप्से १०१.२४ अंकले घटेर दुई हजार सात सय दशमलब ३२ विन्दुमा झरेको हो । आज ५ अर्ब ९७ करोड ७२ लाख बराबरको कारोबार भएको नेप्सेले जनाएकाे  छ । 

नेप्सेका अनुसार आज कारोबार भएका सबै समूह राताम्मे भएका छन् । आज सर्वाधिक हाइड्रोपावर र इन्भेष्टमेन्ट समूहको शेयर घटेको छ । यी समूहको शेयरमा ५ प्रतिशत भन्दा बढीको गिरावट आएको छ ।  

आज कारोबार भएका सबै कम्पनीहरु घटेका छन् । यसमध्ये पनि अप्पर तामाकोशी हाइड्रोपावर र नारायणी डेभलपमेन्ट बैंकको शेयरमूल्यमा सर्वाधिक गिरावट आएको छ । यसको शेयर मूल्य ८ प्रतिशत भन्दा बढीले घटेको छ । कारोबारको आधारमा आज सबैभन्दा बढी अप्पर तामाकोशी हाइड्रोपावरको भएको छ । यस कम्पनीको आज ३२ करोड ८४ लाख भन्दा बढीको कारोबार भएको नेप्सेले बताएकाे छ ।  

गाउँ सहर संवाददाता