गाउँ सहर

राेजगारी : गाेकर्णेश्वर नगरपालिकाले माग्याे सुपरिवेक्षक र गणक

काठमाडाैं । गाेकर्णेश्वर नगरपालिकाले गरिब परिवार पहिचान तथा परिचय पत्र वितरण सर्वेक्षणका लागि सुपरिवेक्षक र गणक माग गरेको छ ।

नगरअन्तर्गत गरिब परिवार पहिचान गर्न इच्छुकले १५ दिनभित्र आवेदन दिन सक्नेछन् ।

३ जना सुपरिवेक्षक र २३ जना गणक माग भएको नगरपालिकाले सार्वजनिक गरेकाे सूचनामा उल्लेख गरेकाे छ ।

सुपरिवेक्षकका लागि कम्तीमा स्नातक तह पास गरेको हुनुपर्छ। १८ वर्ष पूरा भई ४० वर्ष ननाघेकाले आवेदन दिन सक्छन् ।

आवेदन नगरपालिकाको कार्यालयमै गएर तोकिएको सर्तानुसार १५ दिनभित्र दिई सक्नुपर्ने जनाइएको छ । 

यो सूचनाअनुसार आवेदन फराम भर्दा रू १००० शुल्क छ ।

पाँच महिनाका लागि करारमा लिन लागिएकाे पदकाे छनाेटकाे प्रक्रिया अन्तर्वार्ताबाट हुनेछ भने स्थानीय तहका बासिन्दालाई प्राथमिकता दिइने सूचनामा उल्लेख छ ।  

गाउँ सहर संवाददाता

तपाईँको मत