सरकारले निर्वाचन आयोगसँग छलफल गरेर निर्वाचनको मिति तोक्दा राम्रो हुन्छ : डा.कोइराला
- गाउँ सहर संवाददाता
- १६ माघ आइतबार, २०७८ | १४:४८:०० मा प्रकाशित
काठमाडाैं । कांग्रेसका केन्द्रीय सदस्य डा शेखर कोइरालाले स्थानीय तहको निर्वाचन समयमै हुनुपर्ने बताएका छन् । विराटनगरस्थित कोइराला निवासमा आइतबार बिहान सञ्चारकर्मीसँग कुरा गर्दै उनले लोकतन्त्रमा अद्यावधिक निर्वाचन मौलिक हक भएकाले यो निर्वाचन कुनै बहानामा सार्न नहुनेमा जोड दिएका छन् ।
काेइरालाले सरकारले निर्वाचनका विषयमा सिधै निर्वाचन आयोगसँग छलफल गरी टुङ्गो लगाउनुपर्ने तर्क गर्दै ऐन कानून परिवर्तन गरेर निर्वाचन सार्न नहुने विचार व्यक्त गरे । उनले भने, “गठबन्धन दलसँग भन्दा पनि सरकारले निर्वाचन आयोगसँग छलफल गरेर निर्वाचनको मिति तोक्दा राम्रो हुनेछ ।”
डा.कोइरालाले पार्टीको १४ औँ महाधिवेशनमा पराजित भएका वरिष्ठ नेतालाई केन्द्रीय सदस्यमा मनोनीत गर्न नेतृत्वलाई सुझाव पनि दिए । उनले प्रदेश नं १ को नामकरण दलको सहमतिमा हुनुपर्ने भन्दै खर्च बढ्नेगरी मन्त्रालय टुक्र्याउने र मन्त्रीको सङ्ख्या बढाउने कुराले सुशासनमा असर पर्ने धारणा राखे ।
देशको आर्थिक अवस्थालाई ध्यानमा राखेर प्रदेश सरकारले आफ्नो सरकार विस्तार गर्नुपर्ने र प्रदेश सरकार पारदर्शी, जवाफदेही र उत्तरदायी हुनुपर्ने बताएका छन् ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- इन्डोनेसियाको फुटबल खेलमा भएको भागदौडमा मृत्यु हुनेको संख्यो १७४ पुग्याे
- घुम्टे युवा परिवार जापान शाखाद्वारा खेलकुद सामग्री सहयोग
- इटहरीका पूर्वमेयर द्वारिकलाल चौधरी कार्यकर्तासहित माओवादीमा प्रवेश
- ऐतिहासिक सिन्धुलीगढीको २५५ औं विजय दिवस चित्रकथा सार्वजनिक
- चाडपर्वको शुभकामना दिँदै प्रचण्डले भने : प्रतिगमन विरोधी शक्तिलाई मत दिनुस्
- आज घर–घरमा फूलपाती भित्र्याइँदै, कतिबजे शुभ समय ?
- समानुपातिकतर्फ बन्दसूची संशोधन गर्ने आज अन्तिम दिन
- आज थाेरै प्रदेशहरूमा मेघ गर्जन/चट्याङ्ग
- पछिल्लो २४ घण्टामा देशभर ९६ जना निको, १९ जना संक्रमित
- दशैँ मनाउन जाने क्रममा बस र कारमा आगलागी
.jpeg)
-(1)..jpeg)
प्रतिकृया दिनुहोस